M̦õn̦õn̦õ in Bõk Jipañ jãn Ri-Kwal̦o̦k Naan ro M̦õttam̦

Em̦õj an Jeova letok ñan kõj aolep ‘ro jeid im jatid ipel̦aakin lal̦ in’ bwe ren jipañ kõj. (1Pi 5:9) Remaroñ jipañ kõj bwe jen lo tõprak ñe jej iioon wãween ko reppen ilo jerbalin kwal̦o̦k naan. Ñan waanjoñak, rijjilõk Paul ear lo tokjãn jãn an Akula im Prisilla, Sailas, Timote, im ro jet, kar jipañe.​—Jrb 18:1-5.

Ewi wãween an ri-kwal̦o̦k naan ro m̦õttam̦ maroñ jipañ eok ilo jerbalin kwal̦o̦k naan? Remaroñ jipañ eok kõn wãween am̦ maroñ uwaake armej ro ñe rej kajjioñ kabõjrak am̦ kwal̦o̦k naan ñan er, ñan kõm̦m̦an bar jepl̦aak, ak ñan am̦ maroñ jino im kõm̦m̦an rũkkatak Baibõl̦. L̦õmn̦ak kõn juon ilo eklejia eo me emaroñ jipañ eok kõn aikuj eo am̦, innem kajjitõk jipañ jãne. Ejjel̦o̦k pere bwe komiro naaj jim̦or bõk tokjãn jãn men in, im komiro naaj lañlõñ.​—Pil 1:25.

ALWÕJE PIJA EO ETAN LO LAÑLÕÑ EO EJ ITOK JÃN JERBALIN KÕM̦M̦AN RI-KAL̦OOR​—M̦ÕN̦ÕN̦Õ IN BÕK JIPAÑ JÃN JEOVA—​RO JEID IM JATID, INNEM UWAAKE KAJJITÕK KEIN ITULAL̦:

• 

  Ewi wãween an kar Neeta kajjioñ rõjañ Jade bwe en pãd ilo iien kweilo̦k ko an eklejia?

• 

  Etke jej aikuj kũrtok ri-kwal̦o̦k naan ro jet ñan kobatok ippãd ñe jej katak ippãn rũkkatak ro ad?

• 

  Ta eo me Jade im Abigay rar jim̦or itoklimo kake?

• Ta kõl ko me ri-kwal̦o̦k naan ro m̦õttam̦ remaroñ katakin eok kõn jerbalin kwal̦o̦k naan?