Kõm̦m̦an Mejãnkajjik ko ñan Iien Kwõjkwõjin Keememej Eo

Kajjojo iiõ, armej ro an Jeova rej reim̦aanl̦o̦k ñan kõm̦m̦ane Kwõjkwõjin Keememej Eo ippãn doon. Ilo wiik ko m̦okta im ãlikin Kwõjkwõjin Keememej Eo, jej kate kõj ilo iien ko repel̦l̦o̦k ñan lel̦o̦k nõbar im kam̦m̦oolol Jeova kõn katok in mour eo. (Ep 1:3, 7) Ñan waanjoñak, jej kate kõj ñan kũrtok ro jet ñan Kwõjkwõjin Keememej Eo. Jet remaroñ kõm̦m̦an oktak bwe ren maroñ akjel̦õri bainier im remaroñ kõm̦m̦ane 30 ak 50 awa ilo allõñin M̦aaj ak Eprõl̦. Kokõn̦aan ke kal̦apl̦o̦k ijo kun̦aam ilo jerbalin kwal̦o̦k naan ilo iien Kwõjkwõjin Keememej Eo? Ta eo emaroñ jipañ eok bwe kwõn lo tõprak?

Ekkã ad maroñ lo tõprak ñe jej pepel̦o̦k im̦aan. (JK 21:5) Kõnke em̦õkaj an epaaktok iien Kwõjkwõjin Keememej Eo, kiiõ ej iien ñan jino kõm̦m̦an pepe. L̦õmn̦ak kõn wãween ko kwõnaaj kar kal̦apl̦o̦k ijo kun̦aam ilo kwal̦o̦k naan ilo iien Kwõjkwõjin Keememej Eo, im ta ko kwõj aikuj kõm̦m̦ani bwe kwõn maroñ tõpar mejãnkajjik ko am̦. Innem kajjitõk ippãn Jeova bwe en kõjeraam̦m̦an am̦ kate eok.​—1Jo 5:14, 15.

Kwõmaroñ ke l̦õmn̦ak kõn wãween ko kwõmaroñ kõm̦m̦ani ñan kal̦apl̦o̦k ijo kun̦aam̦ ilo kwal̦o̦k naan ilo iien Kwõjkwõjin Keememej Eo?