Iien Kwõjkwõj in Keememej eo, Juon Iien ñan Kalapl̦o̦k Kun̦aad ilo Kwal̦o̦k Naan!

1. Etke jej aikuj l̦õmn̦ak in kalapl̦o̦k kun̦aad ñan kwal̦o̦k naan ilo allõñ in M̦aaj, Eprõl̦, im Mãe?

¹ Kwomaroñ ke kalapl̦o̦k kun̦aam ilo jerbal in kwal̦o̦k naan ilo allõñ in M̦aaj, Eprõl̦, im Mãe? Ilo elõñ jikin ko, ekkã an em̦m̦an lañ im tol̦o̦k an tulo̦k al̦ ilo allõñ kein. Elõñ renaaj kakkije jen jikin jerbal im jikuul ilo iien in. Rein remaroñ kajerbal iien in ñan kwal̦o̦k naan. Ilo Eprõl̦ 2 raan, jenaaj jino leto letak peba in kũr eo ñan armej ro rej itoklimo bwe ren kobatok ippãd ñan Kwõjkwõj in Keememej Raan in Mej eo an Jijej im enaaj wal̦o̦k ilo Eprõl̦ 17 raan. Bareinwõt, jenaaj kate kõj ñan kaitoklimoik ro renaaj pãd ilo iien in ilo ad bar kũrtok er ñan roñjake katak eo ejej uwaan enaaj wal̦o̦k ilo Eprõl̦ 25 raan. Elõñ un ko unin ad aikuj kalapl̦o̦k kun̦aad ilo jerbal in kwal̦o̦k naan ilo allõñ in M̦aaj, Eprõl̦, im Mãe.

2. Ta wãween eo em̦m̦antata kwomaroñ kalapl̦o̦k kun̦aam ilo kwal̦o̦k naan?

² Auxiliary Pioneer: Wãween eo em̦m̦antata ñan kalapl̦o̦k kun̦aad ej ilo ad auxiliary pioneer. Kõnke kõj aolep im poub, ej menin aikuj ñan ad pepel̦o̦k iman im kõm̦m̦an oktak ilo m̦akũtkũt ko jej kõm̦m̦ani. (Ken. 21:5) Bõlen kwomaroñ lemanlok jet iaan men ko kwo kõn kõm̦m̦ani im rejjab lukkuun aorõk ñan bar juon iien. (Pil. 1:9-11) Kwomaroñ kwal̦o̦k kõn̦aan in am ñan jet iaan ro ilo congregation eo im lale el̦aññe rekõn̦aan auxiliary pioneer ippõm.

3. Ewi wãween baam̦le ko remaroñ kõm̦m̦an karõk ñan kalapl̦o̦k kun̦aaer ilo kwal̦o̦k naan?

³ Ilo Iien Kabuñ an Baam̦le eo am, kwomaroñ bwebwenato kõn mejãnkajjik in ãinwõt juon baam̦le. (Ken. 15:22) El̦aññe aolep rej jipañ doon, bõlen jet jãn uwaan baam̦le eo am remaroñ auxiliary pioneer ium̦win juon allõñ ak elõñl̦o̦k jãn juon allõñ. Ta el̦aññe kom̦ij l̦õmn̦ak wõt bwe kom̦ij jab maroñ auxiliary pioneer? Bõlen kom̦ maroñ kalapl̦o̦k wõt kun̦aami ilo jerbal in kwal̦o̦k naan ikijen ami kwal̦o̦k naan ilo jota ak kaitoklok iien ami kwal̦o̦k ilo Jãdede im Jabõt.

4. Ta tokjãn ko jenaaj loi el̦aññe jej kalapl̦o̦k kun̦aad ñan kwal̦o̦k naan ilo iien Kwõjkwõj in Keememej eo?

⁴ Jeova ej lo aolep jerbal ko jej kõm̦m̦ani im elap an kamolol kõn ad m̦õn̦õn̦õ in kaarmejjetik kõj make ñan karejar ñan e. (Hib. 6:10) Lañlõñ ej wal̦o̦k jãn ad m̦õn̦õn̦õ in lel̦o̦k ñan Jeova im ro jet. (1 Kron. 29:9; Jerb. 20:35) El̦aññe kwoj kalapl̦o̦k kun̦aam ñan kwal̦o̦k naan ilo iien Kwõjkwõj in Keememej eo, kwonaaj lo lañlõñ im bõk jeraam̦m̦an ko jet ilo am kõm̦m̦ani men in.