Anij Ej Kallim̦ur bwe Enaaj Weeppãn Kõl̦mãnl̦o̦kjen̦ ko Ad
Ikijjeen Baibõl̦ eo, Anij ej letok naanin tõl ko im kaenõm̦m̦an ko me remaroñ jipañ ro rej eñtaan jãn aer nañinmej ilo kõl̦mãnl̦o̦kjen̦.
Ak em̦õj an Anij kõm̦m̦ani men ko rel̦l̦apl̦o̦k. Em̦õj an kallim̦ur ñan jol̦o̦k men ko rej kõm̦m̦an bwe en wõr nañinmej ilo kõl̦mãnl̦o̦kjen̦, ñan indeeo.
Ñe Anij enaaj kajejjet kũtien kallim̦ur in, ejãmin nãj bar wõr eñjake ko rekõmmetak, nañinmej ilo kõl̦mãnl̦o̦kjen̦, im men ko rekõmmetak me jej keememeji kõnke jejjãmin bar “keememej men ko m̦okta.”—Aiseia 65:17.
Ri-Kõnnaan ro an Jeova renaaj m̦õn̦õn̦õ in jipañ eok ñan lale ñããt im ewi wãween an Anij naaj kajejjet kũtien kallim̦ur in ekaenõm̦m̦an.