Kõketak Don Ilo Ien Jerbal in Kwalok Nan
1 Kij aolep jej mõnõnõ in bõk kõketak kin “nan, ñe ekar air kwalok e.” (Ken. 25:11) Ñe jej jerbal ibben ro jet ilo jerbal in kwalok nan, ewi wãwen jemaroñ lukkun lale bwe bwebwenato ko ad rej kõketak ir?
2 Bwebwenato ko Rekõketak: Enaj lukkun wõr tokjen ñan bwebwenato kin men ko lor jitõb ilo ien jej kwalok nan! (Sam 37:30) Jemaroñ kennan kin ennan eo ad ak kwalok bwebwenato ko jaar iioni ilo jerbal in kwalok nan me rar kalañliñ kij. (Jerb. 15:3) Jaar bõk ke juõn point ekaitoktoklimo jen ad kar read Bible, readi magazine ko rekãl, ak jen juõn kwelok an congregation eo? Jemaroñ bwebwenato kin point kein im ko jet jaar roñjaki jen katak in public talk eo ear walok ilo Kingdom Hall.
3 Jemaroñ buromõj ñe ri mweo ej kwalok juõn nan in jumae me jemaroñ jaje kilen uake. Elikin ad etal jen mweo, emaroñ juõn menin jibañ ñan bõk jejjo minute ko ñan konono ibben eo mõttad kin wãwen eo jemaroñ kamadmõde ejja kain wãwen in ilo ran ko renaj itok, bõlen ikijen ad bõk jibañ jen book in Reasoning (Kõmmanwa). Im elañe jej mõnõnõ kin juõn men ilo ennan eo an eo mõttad, jemaroñ kõketak e ikijen ad nebar e.
4 Bõk Buñten Nee eo Mokta: Ewõr ke jet ilo book study eo ad me etto ad jañin bar jerbal ibbeir? Ilo ad kajitõk ibben juõn bwe en itok ibbed ilo kwalok nan emaroñ menin “jibañ dron.” (Rom. 1:12) Regular im auxiliary pioneer ro elap air kamolol ñe ewõr rej jerbal ibbeir, elaptata ilo jimmarok ak elikinlok raelep, ñe eiet wõt ri kwalok ro rej bõk kunair ilo kwalok nan. Jemaroñ jibañ pioneer ro ikijen ad etal ibbeirlok ilo jerbal in kwalok nan. Ewõr ke juõn ri kwalok enañinmij im ewõr joñan an maroñ kõmman jerbal in kwalok nan? Ñe jej kõmman karõk ibben bwe en itok ibbed, bõlen ñan juõn Bible study, men in enaj wõr tokjen ñan e im kij jimor.—Ken. 27:17.
5 Aolep ien nan in nebar im kamolol ko elap air kõketak, meñe ilo men ko redik. Jej aikwij kememej men in ñe jej kwalok nan ibben ro jet, kinke jekõnan “kalek dron.”—1 Tes. 5:11.