Katak 9

Ro Ri Karejaran Anij Rej Aikwij Erreo

Etke jej aikwij erreo ilo wãwen otemjej? (1)

Ta melelen erreo ilo jitõb? (2) mour erreo? (3) erreo ilo lemnak? (4) erreo ilo enbwin? (5)

Kain nan rot ko retton jej aikwij bõprae? (6)

1. Jehovah Anij ej erreo im kwojarjar. Ej kõtmene bwe ri kabuñ ro an ren erreo​—ilo jitõb, ilo mour, ilo lemnak, im ilo enbwin. (1 Peter 1:16) Jej aikwij lukkun kate bwe jen erreo iman mejen Anij. Jej mour ilo juõn lõl etton. Jej aikwij bareinwõt tarinaek kõnan ko ad ñõn kõmmõn nana. Ak jen jab ebwer.

2. Erreo ilo Jitõb: Elañe jekõnan karejar ñõn Jehovah, jejjab maroñ debiji jabdewõt katak ak manit ko an kabuñ ko rewan. Jej aikwij diojlok jen kabuñ ko rewan im jab rejtake ilo jabdewõt waw̃en. (2 Korint 6:14-18; Revelation 18:4) Ñe jej katak kin mol eo kin Anij, jej aikwij kejbarok bwe jen jab jebwãbwe ibben armij ro rej katakin katak ko rewan.​—2 John 10, 11.

3. Mour Erreo: Jehovah ekõnan bwe ri kabuñ ro an ren kwalok mwilin Christian aolep ien. (1 Peter 2:12) Ej lo men otemjej jej kõmmõni, meñe jej kõmmõni ilo ittino. (Hebrew 4:13) Jej aikwij bõprae mour in lũñ im manit ko jet retton an lõl in.​—1 Korint 6:9-11.

4. Erreo ilo Lemnak: Elañe jej kobrak lemnak ko ad kin men ko rerreo im mol, mwiler bareinwõt enaj erreo. (Pilippai 4:8) Ak elañe jej lemnak kin men ko retton, renaj walok ilo jerbal ko renana. (Matthew 15:18-20) Jej aikwij kejbarok kij jen men in kamõnõnõ ko me remaroñ kokkure lemnak ko ad. Jemaroñ kobrak lemnak ko ad kin men ko rerreo ikijen ad katak Nan eo an Anij.

5. Erreo ilo Enbwin: Kinke rej binej jenkwon Anij, Christian ro rej aikwij kejbarok bwe enbwinir im nuknuk ko air ren erreo. Jej aikwij amwin elikin ad kajerbal mõn kabojak eo, im jej aikwij kwoli mokta jen ad mõñã ak jibwe mõñã ko. Elañe ejelok juõn mõn kabojak emõn, kwoj aikwij kalbwini bũdej ko. (Deuteronomy 23:12, 13) Kejbarok bwe enbwiner en erreo ej kõmmõn ad ejmour. Mweo imõn juõn Christian ej aikwij karbõb im erreo iloa im ilikin. Ej aikwij lukkun alikar einwõt juõn joñok emõn ilo bukwon eo.

6. Konono ilo Erreo: Ri karejaran Anij rej aikwij konono mol ien otemjej. Ri riap ro rejamin bõk air jolet Ailiñ in Anij. (Epesõs 4:25; Revelation 21:8) Christian ro rejjab kajerbal nan ko renana. Rejjab roñjake ak kwalok kejak ak bwebwenato ko retton. Kin konono eo air erreo, rej jenolok ilo jikin jerbal, ilo school im ilo bukwon eo.​—Epesõs 4:29, 31; 5:3.

[Pija ko ilo peij 18, 19]

Ro ri karejaran Anij rej aikwij erreo ilo wãwen otemjej