Box In Kajitõk

◼ Ta tokjen ko rej walok ñe jej kwelok ibben congregation eo ej lale territory eo ijo jej jokwe ie?

Ikijen karõk eo an congregation eo, jej bõk rejañ eo ej ‘kõketak kij ñan yokwe im jerbal ko remõn.’ (Hib. 10:24, 25) Ikijen congregation eo jej katak kin mol eo im ej keboj kij ñan kajejjet jerbal eo ad ñan kõmman ri kalor ro. (Mat. 28:19, 20) Jej bareinwõt bõk kakajur ñan kijenmij ilo tiljek kin melejoñ ko im ewõr overseer ro rej yokwe ñan jibañ kij lo tõbrak ilo ad jerbale ijjibed im inebata ko relaplok. Alikar, congregation eo eaorõk ñan lomor eo ad ilo jitõb. Bõtab, ewõr ke tokjen ko ñe jej kwelok ibben congregation eo ej lale territory eo ijo jej jokwe ie?

Wãwen ko ibben kajjojo armij reoktak jen don, im men ko einwõt jikin jerbal eo, juõn belen ejjab juõn ri tõmak, im ial in ito-itak remaroñ jelet bebe eo eliktata an juõn armij ikijen congregation ta eo enaj kwelok ie. Ak, elukkun wõr tokjen ko, ilo jitõb im ilo wãwen ko jet bareinwõt, ñe juõn armij ej koba ibben congregation eo ej lale territory eo ijo ej jokwe ie. Emaroñ mõkajlok an elder ro bukõt aolep ri kwalok ro ñe wãwen ko rej walok ilo jidimkij. Box in Kajitõk ko ilo ien ko remotlok rar kwalok kin elõñ tokjen ko jet.​—May 1991, March 1976, im January 1967.

Ekkã, an bidodo lok ad bed ilo kwelok ko ñe ebak, im ej kõmman ad maroñ itok ilo mõkaj bwe jen maroñ bwebwenato ibben ro jet, lale men in aikwij ko, im bõk kunad ilo al in kabellok im jar. Ñe ro rekãl rej itoklimo rej jokwe ilo bukwon eo ad, ebidodo ad maroñ kebak ir, kõmman Bible study ibbeir, im jitõñ ir ñan kwelok ko enaj bidodo tata air bed ie.

Jej liki bwe ro bõran family ko enaj mol air etale men in, im lemnak kin aolep men ko rekoba ilo air bebe kin ta eo emõntata ñan ejmour eo ilo jitõb im kanniek an family eo air.​—1 Tim. 5:8.