KATAK 10
Ewi Wãween an Kweilo̦k ko an Ri-Kõnnaan ro an Jeova Maroñ Jipañ Eok?
Em̦õj ke an kar juon armej kũrl̦o̦k eok ñan juon iaan kweilo̦k ko an Ri-Kõnnaan ro an Jeova? El̦aññe kwõjjañin kar pãd ilo kweilo̦k kein, kwõmaroñ ikkũm̦kũm̦ jidik ñe ej kab kein kajuon in am̦ pãd ilo iien kweilo̦k kein. Kwõmaroñ l̦õmn̦ak: ‘Ta ko rej wal̦o̦k ilo iien kweilo̦k kein? Etke raorõk? Etke ij aikuj kobal̦o̦k?’ Ilo katak in, kwõnaaj katak kõn wãween an kweilo̦k ko maroñ karuwaakl̦o̦k eok ñan Anij im jipañ eok ilo mour eo am̦.
1. Ta un eo eaorõktata unin ad kweilo̦k ippãn doon?
Lale ta eo juon ri-jeje Baibõl̦ ear ba kõn un eo eaorõktata unin ad kweilo̦k ippãn doon ke ear ba: “Ilo aõ kabuñ ibwiljin armej . . . ij nõbar [Jeova].” (Sam 26:12, UBS) Ilo ejja wãween in wõt, Ri-Kõnnaan ro an Jeova rainin rej bareinwõt lukkuun m̦õn̦õn̦õ ilo aer kweilo̦k ippãn doon. Ipel̦aakin lal̦ in, rej kweilo̦k ippãn doon kajjojo wiik ñan aer nõbar Anij, al, im jar ñane. Im jejjo alen ilo juon iiõ, rej koba ippãn doon ilo kweilo̦k ko rel̦l̦ap ñan aer kabuñ.
2. Ta ko kwõnaaj katak kaki ilo iien kweilo̦k ko ammim?
Ilo iien kweilo̦k ko, kõmij kõjerbal Naanin Anij im ‘kõmel̦el̦eiki.’ (Riit Nihimaia 8:8.) Ilo am̦ kobal̦o̦k ilo iien kweilo̦k kein, kwõnaaj katak kõn Jeova im kadkad ko an rem̦m̦an. Im ilo am̦ kal̦apl̦o̦k am̦ jel̦ã kõn joñan an yokwe eok, kwõnaaj epaakel̦o̦k wõt e. Kwõnaaj bareinwõt katak kõn wãween an Jeova maroñ jipañ eok bwe kwõn lo juon mour eaenõm̦m̦an im wõr tokjãn.—Aiseia 48:17, 18.
3. Ewi wãween kwõmaroñ bõk tokjãn jãn am̦ kobal̦o̦k im kõm̦m̦ao ippãn ro jet ilo iien kweilo̦k ko ammim?
Jeova ej jiroñ kõj bwe jen “l̦õmn̦ak kõn doon bwe jen maroñ rõjañ doon ñan kwal̦o̦k yokwe im jerbal ko rekanooj in em̦m̦an, im jab kajejtokjãn ad kweilo̦k ippãn doon.” (Hibru 10:24, 25) Ilo kweilo̦k ko ammim, kwõnaaj iioone armej ro rej lukkuun kea kake doon, im rekõn̦aan kal̦apl̦o̦k aer jel̦ã kõn Anij ãinwõt kwe. Kwõnaaj roñ aer kwal̦o̦k l̦õmn̦ak ko rekõketak jãn Baibõl̦. (Riit Rom 1:11, 12.) Kwõnaaj maroñ bareinwõt bwebwenato ippãn ro rej lo tõprak ak kijenmej ium̦win apañ ko rej iiooni. Er kein ej jejjo wõt iaan un ko unin an Jeova kõn̦aan bwe jen ekkeini ad kweilo̦k ippãn doon.
KAM̦WILAL̦L̦O̦K AM̦ MEL̦EL̦E
Lale ta ko rej wal̦o̦k ilo iien kweilo̦k ko an Ri-Kõnnaan ro an Jeova, im etke jenaaj bõk tokjãn jãn ad lukkuun kate kõj ñan kobal̦o̦k ilo iien kweilo̦k kein.
4. Kweilo̦k ko an Ri-Kõnnaan ro an Jeova
Ilo iien ko etto, Kũrjin ro jinoin rar ekkeini aer koba ippãn doon im kabuñ ñan Jeova. (Rom 16:3-5) Riit Kolosse 3:16, innem bwebwenato kake kajjitõk in:
Ewi wãween an kar Kũrjin ro jinoin kabuñ ñan Jeova?
Rainin, Ri-Kõnnaan ro an Jeova rej bareinwõt keini aer kweilo̦k ippãn doon ilo im̦õn kabuñ ko aer. Ñan lale ta ko rej wal̦o̦k ilo iien kweilo̦k ko aer, kõjoe PIJAIN ALWÕJ eo. Innem, lale pija eo kõn juon iien kweilo̦k an eklejia, im bwebwenato kake kajjitõk kein:
Ta ko rej wal̦o̦k ilo juon Im̦õn Kweilo̦k me rej ãinl̦o̦kwõt men ko rej wal̦o̦k ilo Kolosse 3:16?
Ilo pijain alwõj eo ak pija eo, ewõr ke men en̦ kwaar bar loe me em̦m̦an ippam̦ kõn iien kweilo̦k ko?
Riit 2 Korint 9:7, innem bwebwenato kake kajjitõk in:
Etke ejjel̦o̦k on̦ããn ad pãd ilo iien kweilo̦k ko an Ri-Kõnnaan ro an Jeova?
Lale katak ko naaj etali ilo juon iaan kweilo̦k ko an wiik in ippãn eo ej katakin eok.
Katak ta eo el̦aptata am̦ itoklimo kake ak kwõj l̦õmn̦ak bwe emaroñ jipañ eok?
Kwaar jel̦ã ke?
Ilo jw.org, kwõmaroñ lo ia eo im ñããt eo rej kõm̦m̦ani kweilo̦k ko ipel̦aakin lal̦ in.
Ilo kweilo̦k ko ammim, ewõr katak ko, waanjoñak ko im̦aan, im pijain alwõj ko. Kweilo̦k ko rej jinoe im kõjjem̦l̦o̦k kõn al im jar
Ilo jet m̦õttan ko ilo iien kweilo̦k ko, armej ro rej ruwainene in uwaak
Aolep rej ruwainene in kobatok—baam̦le ko, ro ejjel̦o̦k rejetaer, rũtto ro, im ajri ro
Ejjel̦o̦k on̦ããn ñan pãd ilo iien kweilo̦k ko. Ri-Kõnnaan ro an Jeova rejjab kõm̦m̦an on̦ããn del̦o̦ñ ak tõltõl jaba
5. Ñan pãd ilo iien kweilo̦k ko jej aikuj in lukkuun kate kõj ñan pãd ie
L̦õmn̦ak kõn joñak eo an baam̦le eo an Jesus. Kajjojo iiõ, rar aikuj in etetal enañin 60 m̦ail̦ im kijoone tol̦ ko jãn Nazeret l̦o̦k ñan Jerusalem bwe ren maroñ kabuñ ñan Jeova ilo tampel̦ eo. Riit Luk 2:39-42, innem bwebwenato kake kajjitõk kein:
Kwõl̦ak lale rar ke aikuj kate er bwe ren jibadekl̦o̦k Jerusalem?
Ta jet iaan men ko remaroñ bõbraik eok jãn am̦ kobal̦o̦k ilo iien kweilo̦k ko im ta ko kwõmaroñ kõm̦m̦ani ñan anjo̦ ioon apañ kein?
Kwõl̦ak lale el̦ap ke tokjãn am̦ kõm̦m̦ane men in meñe ejjab pidodo, im etke?
Baibõl̦ ej ba bwe ad kweilo̦k ippãn doon im kabuñ elukkuun aorõk. Riit Hibru 10:24, 25, innem bwebwenato kake kajjitõk in:
Etke jej aikuj ekkeini ad pãd ilo iien kweilo̦k ko?
JET ARMEJ REJ BA: “Jejjab aikuj kweilo̦k ippãn doon. Ebwe wõt ñan katak Baibõl̦ ilo m̦õko im̦õd.”
Eoon ak bwebwenato ta eo ilo Baibõl̦ ej kaalikkar men eo Jeova ekõn̦aan bwe jen kõm̦m̦ane?
TARLEP IN KATAK EO ILO TUKADU
Am̦ pãd ilo iien kweilo̦k ko enaaj jipañ eok ñan kal̦apl̦o̦k am̦ jel̦ã kajjien Jeova, kõkajoorl̦o̦k jem̦jerã eo am̦ ippãn, im ñan kabuñ ñane ippãn ro jet.
Ãlij
Etke Jeova ej rõjañ kõj ñan kweilo̦k ippãn doon?
Ta ko kwõnaaj katak ilo iien kweilo̦k ko an Ri-Kõnnaan ro an Jeova?
Kwõl̦ak lale ta wãween ko jet kwõmaroñ bõk tokjãn jãni ilo am̦ pãd ilo iien kweilo̦k ko?
KAL̦APL̦O̦K AM̦ MEL̦EL̦E
Ta el̦aññe kwõj ikkũm̦kũm̦ in etal ñan juon iien kweilo̦k. Lale ewi wãween an kar juon em̦m̦aan me ear bõk ejja eñjake in wõt, kar oktak im yokwe iien kweilo̦k ko.
Lale ewi wãween an kar juon likao kaorõk iien kweilo̦k ko im ta eo ear kõm̦m̦ane bwe en wõnm̦aanl̦o̦k wõt im pãd ilo iien kweilo̦k ko.
Lale ta l̦õmn̦ak ko an ro jet kõn aer pãd ilo iien kweilo̦k ko.
“Why Attend Meetings at the Kingdom Hall?” (Katak eo ilo online)
Lale ewi wãween an kar oktak mour eo an juon em̦m̦aan me ear m̦õttan juon kumi in ri-nana ãlikin an kar kobal̦o̦k ilo juon iien kweilo̦k an Ri-Kõnnaan ro an Jeova.
“I Never Went Anywhere Without My Gun” (The Watchtower, July 1, 2014)