ОДГОВОР НА БИБЛИСКИ ПРАШАЊА

Зошто Исус е наречен Божји Син?

Бог нема дословна жена со која имал деца. Тој ги создал сите живи суштества. Луѓето биле создадени со способност да ги покажуваат Божјите особини. Затоа, Адам, првиот човек што бил создаден од Бог, е наречен „син на Бог“. И Исус е наречен „Синот Божји“ бидејќи бил создаден со особините што ги имал неговиот Татко. (Прочитај Лука 3:38; Јован 1:14, 49.)

Кога бил создаден Исус?

Бог го создал Исус пред да го создаде Адам. Всушност, откако го создал Исус, заедно со него создал сѐ друго, вклучувајќи ги и ангелите. Од таа причина, Библијата го нарекува Исус „првороден од сѐ што е создадено“. (Прочитај Колошаните 1:15, 16.)

Пред да се роди во Витлеем, Исус живеел како духовно суштество на небото. Кога дошло време, Бог го пренел животот на Исус од небото во утробата на Марија за да се роди како човек. (Прочитај Лука 1:30-32; Јован 6:38; 8:23.)

Зошто Бог го испратил Исус да се роди на Земјата како човек? Која посебна улога ја имал Исус? Одговорите на овие прашања можеш да ги најдеш во Библијата. Тие многу ќе го продлабочат твоето разбирање и ценење за она што го сториле за тебе Бог и Исус.