Може ли животот да има смисла?

КОЛКУ само се вистинити овие зборови! Нашиот живот честопати е исполнет со „неволји и тешкотии“. Веројатно некогаш си се прашал: ‚Може ли животот да има вистинска смисла?‘

На пример, Марија отсекогаш била енергична жена. Но сега, на 84 години, не може да излегува од дома. Иако е ментално активна, телото ѝ откажува послушност. Зар нејзиниот живот може да има смисла?

А како е со тебе? Можеби и ти си се прашувал дали твојот живот има смисла. Можеби работата ти е монотона, заморна или здодевна. Можеби никој не го цени твојот труд. Дури и да си постигнал некаков успех, можеби си загрижен за иднината. Некогаш, пак, можеби се чувствуваш осамено или депримирано. Можеби во твоето семејство проблемите и расправиите се секојдневие. Или можеби ти умрел некој што многу си го сакал. На пример, Андре бил многу близок со татко му, кој неочекувано се разболел и умрел. За Андре тоа било тежок удар кој му предизвикал толкава болка што мислел дека никогаш повторно нема да застане на нозе.

Без оглед на неволјите што ги доживуваме, очајно ни е потребен одговор на прашањето: Може ли животот да има смисла? Одговорот ќе го добиеме од еден човек кој живеел на Земјата пред околу 2.000 години. Тој човек е Исус Христос. И покрај тешкотиите што ги доживеал, тој имал вистинска смисла во животот. Ако го следиме неговиот пример, и нашиот живот може да има смисла.