ДАЛИ СТЕ ЗНАЕЛЕ?

Дали храмот во Ерусалим бил повторно изграден по 70 год. од н.е.?

ИСУС рекол дека од Јеховиниот храм нема да остане ни камен на камен. Ова пророштво се исполнило кога римската војска под водство на Тит го уништила Ерусалим во 70 год. од н.е. (Мат. 24:2). Подоцна императорот Јулијан сакал повторно да го изгради храмот.

Јулијан е наречен последниот пагански император на Рим. Тој бил внук на Константин Велики и бил поучуван од таканаречените христијани во негово време. Но, откако станал император, во 361 год. од н.е., го отфрлил таквото образование и повторно го вовел паганството. Во историјата е познат како „Отпадникот“ бидејќи ја отфрлил црквата.

Јулијан го мразел христијанството. Најверојатно една причина за тоа е што, кога имал само шест години, видел како некои кои тврделе дека се христијани ги убиле неговиот татко и други роднини. Според црковните историчари, Јулијан ги поттикнал Евреите повторно да го изградат нивниот храм, мислејќи дека со тоа ќе докаже дека Исус бил лажен пророк.a

Нема сомнение дека Јулијан имал намера повторно да го изгради храмот. Но, историчарите не се потполно сигурни дали почнал со изградбата. Ако воопшто почнал, не се знае од која причина не ја довршил. Како и да е, едно е сигурно. Јулијан бил убиен по неполни две години откако дошол на власт, и неговата намера пропаднала со него.