Високи згради сѐ уште се подигаат во Азија
„Моментално се планираат шест облакодери што ќе бидат повисоки од некогаш гордиот Светски трговски центар, кој беше висок 419 метри“, забележува The Wall Street Journal. „Сите тие се во Азија.“ Journal додава дека таму „продолжува една 20-годишна ‚љубовна афера‘ со височината“.
Кулите ќе се надвишуваат над хоризонтот на градовите во Кина, Кореа и Тајван. „Желбата да се допре до небото лежи многу длабоко во нашата човечка психа“, вели Сизар Пели, архитект на зградите што моментално се највисоки во светот, кулите-близначки Петронас во Куала Лумпур (Малезија). „Уште од вавилонската кула постои оваа желба да се стави некаков белег високо на небото.“
Инженерите ги зголемуваат мерките на безбедност. Во нив спаѓаат отворени засолништа на секои 10 до 12 ката, појака внатрешност, арматура што ја поврзува внатрешноста со главните надворешни столбови или што е поставена околу зградата, и повеќе противпожарни скали, кои стануваат сѐ пошироки кога се оди кон приземјето на зградата за да можат да соберат повеќе луѓе.
Моментално во светот има повеќе од дваесет станбени згради повисоки од 300 метри и повеќе од половина од нив се во Азија. „Сепак, експертите се согласуваат дека има мала практична потреба за конструкции повисоки од 60 ката“, вели Journal.
[Слика на страница 18]
Високи 452 метри кулите Петронас се највисоки во светот
[Табела/слики на страница 18]
(Види во публикацијата)
Височината на зградите ги вклучува и украсните куполи, но не и антените.
Кефренова пирамида (Гиза, Египет) 143 метри 2500 пр.н.е.
Ајфеловата кула (Париз, Франција) 300 метри 1889
Кулата T & C, (Каосиунг, Тајван) 348 метри 1997
Кинеска банка (Хонг Конг, Кина) 369 метри 1989
Емпаер Стејт Билдинг, (Њујорк, Соединетите Држави) 381 метар 1931
Кулата Сиерс, (Чикаго, Соединетите Држави) 442 метри 1974
Кулите Петронас (Куала Лумпур, Малезија) 452 метри 1997
Светски финансиски центар во Шангај (Шангај, Кина) 460 метри (планирана за 2007)
Финансиски центар во Тајпеј (Тајпеј, Тајван) 508 метри (треба да биде завршена во 2003)
[Извор на слика]
Сите цртежи: Со љубезна дозвола на SkyscraperPage.com