„Проучувањето на Библијата им користи на глувите“
ВАКА гласеше насловот на една статија објавена во списание за глуви лица во Република Чешка. Авторот на статијата, Зденек Страка, ги пофали Јеховините сведоци кои научиле знаковен јазик за да им помагаат на глувите.
Што го поттикнало г. Страка да напише ваква статија? Летото 2006 год., тој присуствувал на еден конгрес на Јеховините сведоци во Прага, каде што програмата била преведувана на знаковен јазик за околу 70 глуви лица. Секоја година, Јеховините сведоци организираат конгреси низ целиот свет каде што можат да се добијат библиски поуки и да се ужива во охрабрувачко дружење. Не се запоставени ни глувите лица. Во една од последниве години, 96 од овие конгреси низ целиот свет беа одржани исклучиво на знаковен јазик, а на уште 95 места програмата беше преведувана на ваков јазик.
Кога се одржуваше конгресот во Прага, членовите на собранието на знаковен јазик во тој град ја проучуваа Библијата со околу 30 глуви лица. Овие луѓе имаат корист од она што го учат, како што покажува и следново искуство.
Маркета патува повеќе од 100 километри секоја седмица за да ја проучува Библијата со една глува жена од Монголија. Бидејќи чешкиот и монголскиот знаковен јазик се многу различни, Маркета мора да биде досетлива за да ѝ помогне на оваа жена да го разбере она што го проучуваат. Сепак, трудот на Маркета родил плод. Жената, која била бремена со второ дете, размислувала за абортус, но подоцна се премислила. Маркета вели: „Кога ја прашав зошто, таа ми покажа на знаковен јазик: ‚Јехова не одобрува абортуси‘. Бев среќна кога видов дека разбрала како гледа Бог на животот!“a
Многу глуви лица низ целиот свет ја дознаваат вистината за Бог така што ја проучуваат неговата Реч. Тоа што се зближуваат со него и уште повеќе му се радуваат на животот влијае позитивно врз нив (Исаија 48:17, 18).
[Фуснота]
a Нешто повеќе за тоа што вели Библијата за абортусот можеш да прочиташ во Разбудете се! од јуни 2009, страници 3-9.
[Рамка на страници 26 и 27]
СИ ЗНАЕЛ ЛИ?
● Јеховините сведоци издаваат DVD-ја на 43 знаковни јазици. Видеоматеријал за глуви лица може да се преземе и од веб-страницата www.jw.org
● За да издадат повеќе публикации за глувите, Јеховините сведоци имаат формирано 59 преведувачки тимови на разни знаковни јазици
● Низ целиот свет има повеќе од 1.200 собранија на Јеховините сведоци на знаковен јазик
[Графикон на страница 26]
(Види во публикацијата)
www.jw.org