Случајно или создадено?

Системот за навигација на морските желки

● За миграцијата на морската желка од местото каде што се храни до плажата каде што ги полага јајцата, научниците велат дека е „еден од најневеројатните потфати во животинското царство“. Овој влекач веќе со децении го окупира нивното внимание.

Размисли: На секои две до четири години, женката доаѓа на брегот за да ги положи јајцата — околу сто само во едно гнездо — и да ги скрие во песокот. Откако ќе се изведат, малите желчиња се упатуваат кон океанот. Тие тргнуваат на едно возбудливо патување, при кое може да поминат и до 12.900 километри. Со години подоцна, возрасните женки се враќаат за и тие да ги положат своите јајца, и тоа на истата плажа на која и самите се извеле!

Како се ориентираат морските желки? „Се чини дека наследуваат некаков вид магнетна мапа“, вели биологот Кенет Ломан од Универзитетот во Северна Каролина (САД), чија изјава е цитирана во National Geographic News. Истражувањето укажува на тоа дека желката може да ја одреди својата местоположба мерејќи ги аголот и јачината на Земјиното магнетно поле. Ваквата неверојатна способност им овозможува на овие мали беспомошни желчиња да ја започнат својата миграција од 12.900 километри низ Атлантикот, „и тоа сами, без да следат други желки“, вели д-р Ломан.

Што мислиш? Дали способноста за навигација кај морските желки настанала случајно или е дело на мудар Творец?

[Рамка на страница 25]

НЕКОИ ФАКТИ

● Откако ќе ги положат и ќе ги скријат своите јајца, женките го напуштаат гнездото.

● Младенчињата ја пробиваат лушпата со еден посебен заб кој потоа им паѓа.

● Морските желки минуваат 90 отсто од животот во океаните.

[Извор на слика на страница 25]

© Masa Ushioda/WaterF/age fotostock