Ве покануваме

Радосни сме што преку страниците на оваа брошура можевме да разговараме со Вас, а се надеваме дека и Вас Ве радуваше што можевте да дознаете нешто повеќе за Јеховините сведоци. Ве молиме да ја прифатите нашата покана да нѐ посетите во нашата Сала на Царството во местото каде што живеете. Таму ќе видите како се водат нашите состаноци. Самите уверете се како настојуваме на другите да им ја пренесеме добрата вест за рајската Земја под Христовото Царство.

Бог го ветил тоа. „Но ние, според неговото ветување, очекуваме ново небо и нова земја, на кои ќе се настани правда“ (2. Петрово 3:13). Оттогаш поминале 19 векови. Времето на исчекување сега се ближи кон својот крај, како што настаните во светот јасно покажуваат. Сѐ поблиску е исполнувањето на Исусовото ветување: „Кога ќе видите дека станува ова, знајте оти се приближи царството Божјо“ (Лука 21:31).

„Да бидеме внимателни еден кон друг, за да се поттикнуваме кон љубов и добри дела,“ напишал апостол Павле, „не напуштајќи го своето собрание . . . во толку повеќе, до колку што гледате дека се приближува судниот ден“ (Евреите 10:24, 25). Затоа Ве покануваме: Послушајте го Павловиот совет и придружете ни се.