Нивната светска организација и светско дело

ВО УПРАВУВАЊЕТО со делото на сведочење кое се извршува во повеќе од 230 земји постојат неколку алки. Целокупното водство доаѓа од Водечкото тело во светската централа во Бруклин (Њујорк). Водечкото тело секоја година испраќа претставници во различни региони ширум светот за да се советуваат со претставниците на подружниците во тие региони. Во канцеларијата на подружниците постојат Одбори на подружниците составени од три до седум членови, и тие го надгледуваат делото во земјите кои се под нивна надлежност. Некои подружници имаат печатници, а во некои од нив се работи со високобрзински ротациони преси. Земјата или подрачјето кои ги опслужува секоја подружница се поделени на области, а областите се поделени на покраини. Во секоја покраина има по околу 20 собранија. Обласниот надгледник ги посетува наизменично покраините во својата област. За секоја покраина годишно се одржуваат по два собира. Постои и покраински надгледник кој обично го посетува секое собрание од својата покраина по двапати годишно, при што им помага на Сведоците во организирањето и извршувањето на делото на проповедање во подрачјето што му е доделено на тоа собрание.

Локалното собрание со својата Сала на Царството е центарот од каде што се пренесува добрата вест во Вашата заедница. Територијата за која е надлежно секое собрание е поделена на помали подрачја. Тие им се доделуваат на поединечни Сведоци кои настојуваат да ги посетат луѓето и да разговараат со нив во сите домови кои се наоѓаат во него. Во секое собрание, кое се состои од неколку па сѐ до околу 200 Сведоци, има старешини на кои им е доделена грижа за различните задолженија. Во организацијата на Јеховините сведоци е важен секој поединечен објавител на добрата вест. Секој Сведок, сеедно дали служи во светската централа, во подружниците или во собранијата, ја извршува оваа работа на теренот така што лично им кажува на другите за Божјето Царство.

Извештаите за оваа активност на крај пристигнуваат во светската централа, при што се составува и објавува Годишник. Исто така, секоја година во изданието на Стражарска кула од 1 јануари се објавува табела. Овие две публикации содржат детални извештаи за тоа што постигнуваат секоја година Јеховините сведоци во сведочењето за Јехова и за неговото Царство под Христос Исус. Последниве години на Меморијалот на Исусовата смрт годишно присуствуваа по околу 14.000.000 Сведоци и заинтересирани лица. Јеховините сведоци поминуваат по над 1.000.000.000 часови годишно во објавување на добрата вест, а се крштаваат по повеќе од 300.000 нови лица. Се даваат стотици милиони примероци литература.