Да учиме од... тројцата Евреи

Ананиј, Мисаил и Азариј стојат во рамницата Дура, во близината на Вавилон. Насекаде околу нив луѓето се поклонуваат до земја пред еден огромен кип. И покрај притисокот од другите и заканите од царот, овие млади мажи остануваат цврсти. Со почит, но сепак одлучно, му велат на Навуходоносор дека нивната одлука да му служат на Јехова е непроменлива (Даниел 1:6; 3:17, 18).

Кога ги одвеле во Вавилон, тие сѐ уште биле тинејџери. Тоа што биле верни уште како млади — одбивајќи да јадат храна која можеби била забранета со Божјиот закон — ги подготвило да се соочат со тешките испити подоцна во животот (Даниел 1:6-20). Знаеле од искуство дека најмудро е да му бидат послушни на Јехова. Дали како нив и ти си решен цврсто да се држиш за Божјите мерила и покрај притисокот од твоите врсници? Ако како млад научиш да му бидеш послушен на Јехова во работи што можеби ти се чинат неважни, ќе бидеш поподготвен да останеш верен кога ќе се соочиш со големи испити подоцна во животот (Изреки 3:5, 6; Лука 16:10).