Вовед во дел 7

Овој дел зборува за животот на цар Саул и на цар Давид, и опфаќа период од околу 80 години. Во почетокот, Саул бил понизен и имал стравопочит кон Јехова, но потоа се сменил и не сакал да ги слуша неговите упатства. Јехова го отфрлил, и подоцна му рекол на Самоил да го помаза Давид за следен цар на Израел. Саул бил љубоморен и повеќе пати се обидел да го убие Давид, но тој не му се одмаздил. Јонатан, синот на Саул, знаел дека Јехова го избрал Давид, и затоа му бил верен пријател. Давид направил неколку тешки гревови, но секогаш ги прифаќал советите и исправките од Јехова. Ако си родител, помогни му на детето да сфати колку е важно секогаш да го слуша Јехова, како и оние што ги поставил да нѐ водат.