ЛЕКЦИЈА 18

Поучно за слушателите

1. Коринќаните 9:19-23

ЦЕЛ: Поттикни ги слушателите да размислуваат, и на крајот да имаат чувство дека научиле нешто корисно.

КАКО ДА ГО ПОСТИГНЕШ ТОА:

Размисли кои работи им се познати на слушателите. Наместо само да повторуваш мисли кои веќе ги знаат, помогни им да ги гледаат работите од друг агол.

Не задржувај се премногу на познати работи, но одвој повеќе време кога треба да обработиш некоја мисла што можеби е нова за повеќето слушатели.
Истражувај и размислувај. Кога е можно, поткрепи ги главните мисли со тековни настани или со факти кои не им се толку познати на слушателите. Длабоко размислувај за материјалот и за тоа како тој е поврзан со фактите што сакаш да ги наведеш.

Додека го подготвуваш материјалот, размислувај така што ќе си поставуваш прашања: што, зошто, кога, каде, кој и како. Внеси живост во изнесувањето со тоа што и во текот на говорот ќе поставиш некои од тие прашања и ќе ги одговориш.
Истакни ја практичната вредност на она што го кажуваш. Објасни како мислите од Библијата можат да им користат на твоите слушатели во нивниот живот. Обработи конкретни ситуации, ставови и постапки кои ги засегаат слушателите.