‚Дали сум важен за Бог?‘

„ДАЛИ сум важен? Дали Бог се грижи?“ Така гласел насловот на една статија што се појавила во списанието Christianity Today. „Голем дел од мојата кариера како писател се вртеше околу проблемот на болката“, изјавува Филип Јанси, авторот на статијата. „Секогаш одново кога се навраќам на истите прашања, како да допирам стара рана која никогаш не заздравува целосно. Ми се јавуваат читатели на моите книги и, преку нивните болни извештаи, моите сомневања како да добиваат човечки лик.“

Можеби и ти си се прашал дали Бог е заинтересиран за твојот живот. Па можеби веќе си запознат со Јован 3:16, каде што се изјавува дека „Бог толку го возљуби светот, што Го даде Својот Единороден Син“. Можеби си прочитал и во Матеј 20:28, каде се вели дека Исус дошол „да ја даде душата Своја за откуп на мнозина“. Па сепак, можеби ќе прашаш: ‚Дали Бог ме забележува мене? Дали тој се грижи за мене како поединец?‘ Постои добра причина да веруваме дека е така, а тоа ќе го видиме сега.