Јехова е нашиот Творец
1 Милиони луѓе веруваат дека Бог го создал животот. Многу други веруваат во еволуција. Има и такви кои не се сигурни во што да веруваат. Книгата Животот — Како настанал? Преку еволуција или преку создавање? е наменета за сите тие луѓе. Оваа публикација изнесува едно темелно истражено објаснување за тоа како настанал животот и што значи истото за нашата иднина. Во текот на јуни ќе ја нудиме оваа прекрасна книга.
2 Дури и луѓе што се угледни во научниот свет ја признаваат логичноста на оваа книга. Еден научник од Холандија напишал: „Книгава навистина ги надминува сите очекувања. Логичниот редослед на поглавјата и илустрациите се толку научно современи што треба да си слеп па да приговориш на нив“. Еден адвокат изјавил: „Ја прочитав четири пати, но и понатаму сум импресиониран од длабочината на истражувањето, од научноста и од документацијата што влегла во нејзината продукција“. Затоа, можеме да бидеме сигурни дека и други ќе ја ценат оваа книга.
3 Може да избереш кратка презентација слична на оваа:
◼ Отвори на 6. страница и речи: „Многумина мислат дека нашава убава Земја и животот на неа се производ на некаква случајност. Според Вас, кое е разумното објаснување за тоа како настанало сето ова? [Дозволи одговор.] Мноштво докази го потврдуваат библискиот извештај за постоење на Творец кој не само што е многу моќен туку и многу нѐ сака. Тој е вистинскиот Бог, а неговото име е Јехова“. Прочитај Осија 12:5 и кратко објасни на кој начин ќе ја оствари тој својата намера да ја претвори целата Земја во рај.
4 Ако сакаш брзо да преминеш на главното, можеш да речеш:
◼ „Сте си го поставиле ли некогаш ова прашање?“ Укажи на насловот на книгата, сврти на 7. страница, прочитај ги прашањата во 2. пасус и објасни дека книгата дава задоволувачки одговори од Библијата.
5 Или, можеш да се обидеш со следново:
◼ „Сте се прашале ли некогаш како настанала Земјата? Многумина упорно тврдат дека тоа е последица на некаква огромна космичка експлозија. Што мислите Вие? [Дозволи одговор.] Библијата поучува дека Бог ја создал Земјата како наш траен дом. Таа се разликува од другите планети во нашиот Сончев систем. Колку што знаеме, таа е единствената планета во вселената на која има сѐ што е потребно за поддржување на животот.“ Сврти на 5. пасус на 130. страница, и објасни зошто мора Земјата да е дело на еден Мајсторски Конструктор.
6 Еден друг пристап би можел да личи на следниов:
◼ „Некои луѓе мислат дека еволуирале од човеколики мајмун. Тврдат дека нашите претци изгледале вака. [Покажи ја сликата на 89. страница.] Што мислите Вие за тоа?“ Дозволи одговор. Укажи на она што стои во 20. пасус, а потоа прочитај го стихот од Дела 4:24 каде што е идентификуван Јехова како наш Творец и Животодавач. „Оваа книга ја разгледува целата теорија на еволуција во однос на она што е кажано во Библијата.“ Осврни се на Содржината на 5. страница и посочи некои наслови како што се насловите на поглавјата 1, 7, 15 и 19.
7 Оваа книга може да биде благослов за искрените луѓе кои биле заведени од страна на оние кои немаат вера во Јехова и во неговата Реч. Вистинитите информации што ги содржи книгата Создавање можат да им помогнат на таквите да растат во ценењето за нашиот Творец кој со љубов се грижи за нас.