Помогни им на неискусните да разберат
1 Преку делото на правење ученици, ние ги поучуваме другите за тоа што бара Бог од нив (Мат. 28:19, 20). Повеќе од пет милиони Сведоци ширум светот вложуваат огромен напор да го прават тоа. Успехот не се мери според поминатите часови, дадената литература или, пак, според започнатите библиски студии. Нашата цел ја постигнуваме кога луѓето го разбираат она што го учат и постапуваат според него.
2 Духовното помагање на другите вклучува ‚правење неискусните да разберат‘ (Псал. 119:130, НС). Срцата се трогнати и луѓето се мотивирани само кога ‚ја разбираат смислата на тоа‘ (Мат. 15:10, НС). Како што нашето дело се шири и се интензивира, ние сѐ повеќе ја сфаќаме потребата да зборуваме и да поучуваме со едноставност. Од таа причина, Заедницата ја издаде брошурата Што бара Бог од нас? Таа содржи комплетен курс за проучување, кој ги опфаќа основните учења на Библијата. Лекциите се кратки, начинот на изразување не е комплициран, а поуката е лесна за разбирање, давајќи ѝ на брошурата широка привлечност.
3 Во текот на месеците април и мај, заедно со списанијата ќе биде нудена и оваа брошура. Се препорачува, кога ја планираш својата седмична активност за служба, да направиш таква подготовка што списанија ќе нудиш во саботите, а брошурата ќе ја истакнуваш во својата служба во текот на останатиот дел од седмицата. Однеси им ја брошурата на луѓето кои спремно примиле литература во минатото. Запомни дека таа може да биде особено корисна во поучувањето на децата, на луѓето кои зборуваат странски јазик и на оние кои имаат ограничена способност да читаат.
4 Користи едноставен пристап: Кога ја презентираш брошурата Бара, укажи на страница 2, каде што се објаснува дека „оваа брошура е наменета како курс за проучување на Библијата“. Истакни го 3. пасус на 3. страница за да покажеш зошто лицето треба да ја проучува Библијата. Поттикни го неговиот интерес со некој од насловите на лекциите кои ги откриваат едноставните библиски вистини. Покажи како оваа брошура го прави учењето да причинува задоволство и понуди да му дадеш лична помош.
5 Води напредна студија: Наша цел е да сториме повеќе отколку само да водиме студии — ние сакаме да правиме ученици кои ќе станат цврсти поддржувачи на вистинското обожавање. Брошурата може да се обработи за неколку седмици и треба да води право до студија на книгата Спознание. (Види ја фуснотата на страница 31.) Уште од самиот почеток, помогни му на ученикот да ја идентификува Јеховината организација. (Види ја книгата Расудување, страници 260, 261.) Нагласи ја вредноста на собраниските состаноци и објасни дека присуствувањето на нив дава севкупно разбирање за тоа како да се практикува вистинското обожавање (Евр. 10:24, 25).
6 Целосното учество во ова специјално дело во текот на април и мај, сигурно ќе ни донесе радост која произлегува од помагањето на искрените лица да ‚стекнат разбирање‘ кое води до живот (Изр. 4:5, НС).