Да им сведочиме на „сите видови луѓе“
1 Кога сретнуваме луѓе од различни култури или религиозни позадини, си спомнуваме дека Јеховината волја е „сите видови луѓе да бидат спасени и да дојдат до точно спознание на вистината“ (1. Тим. 2:4, NW). Освен неколку посебно подготвени трактати и брошури, ние имаме две одлични публикации кои можат да се користат во секое време за да им помогнеме на поединци чие религиозно воспитување не ги поучува за вистината за Бог и Христос.
2 Книгата Čovječanstvo u potrazi za Bogom дава увид за потеклото на поголемите религии во светот и затоа може да им биде од помош на луѓето насекаде за да направат споредба помеѓу нивните верувања и она што го поучува Библијата за единствениот вистински Бог. Од друга страна, пак, истакнувајќи го животот на Исус Христос, книгата Најголемиот човек кој некогаш живеел може да му помогне на лицето подобро да се запознае со Божјиот Син и да биде привлечено кон него, како што биле многу луѓе во првиот век (Јован 12:32). Секогаш кога е пригодно, можеби ќе сакаш да се обидеш со следниве предлози за да ги воведеш овие книги.
3 Ако мислиш дека ќе биде добро некому да му ја понудиш книгата „Најголемиот човек“, би можел да прашаш:
◼ „Што ви доаѓа на ум кога ќе помислите на Исус Христос? [Дозволи одговор.] Многу историчари го признаваат Исус за најголемиот човек кој некогаш живеел. [Цитирај некој пример од воведот во книгата Најголемиот човек.] Библијата покажува дека Исусовиот живот е модел кој треба да го имитираме“. Прочитај го 1. Петрово 2:21 и првиот пасус од последната страница од воведот во книгата Најголемиот човек. Ако станарот е заинтересиран да научи нешто за Исус, понуди ја книгата. Пред да си заминеш, прочитај Јован 17:3 и прашај: „Како можеме да го примаме ова спознание кое води до вечен живот?“ Направи дефинитивни подготовки за да се вратиш со одговорот.
4 Кога ќе се вратиш за да објасниш како може да се прима животодајно спознание, би можел да речеш:
◼ „Ветив дека ќе се вратам за да Ви покажам како можеме да го примаме спознанието кое води до вечен живот“. Презентирај ја книгата Спознание и, користејќи го првото поглавје, демонстрирај студија.
5 Ако сакаш да ја понудиш книгата „Čovječanstvo u potrazi za Bogom“, би можел да прашаш:
◼ „Со толку многу различни религии денес, дали некогаш сте се запрашале како можеме да одредиме која е одобрена од Бог?“ После одговорот, отвори ја книгата Čovječanstvo u potrazi za Bogom на страница 377. Истакни ја точката број 7 и прашај дали станарот се согласува дека вистинската религија треба да ги обедини сите раси на човештвото. Разгледајте еден од наведените стихови и, доколку дозволува времето, дискутирај за некои од другите мисли на списокот. Ако има искрен интерес, понуди ја книгата. Кога си заминуваш, би можел да прашаш: „Како треба да влијае вистинската религија врз однесувањето на лицето?“ Договори повторна посета за да одговориш на прашањето.
6 Кога ќе се вратиш за да објасниш како влијае вистинската религија врз животот на лицето, би можел да прашаш:
◼ „Како мислите дека треба религијата да влијае врз однесувањето на луѓето? [Дозволи одговор.] Христос ни дал мерило според кое треба да се мери религијата“. Прочитај Матеј 7:17—20 директно од страница 12 од книгата Čovječanstvo u potrazi za Bogom. Потоа замоли го станарот да го прочита 20. пасус на страници 13 и 14. Ако дозволува времето, дискутирај за пасусите 25—29 на страници 16—18. Тоа може да води до студија или со брошурата Бара или со книгата Спознание.
7 Започнување на разговор: Во книгата Čovječanstvo u potrazi za Bogom има многу помагала за поучување кои можат да се користат за да се започне разговор при првата посета или при повторна посета. Можеш да започнеш разговор едноставно поставувајќи го соодветното прашање. На пример, забележи ги овие прашања и теми, како и страниците каде што се обработени:
„Прашања кои бараат одговор“ (страници 17, 18)
„Дали Исус бил мит?“ (страница 237)
„Кој ја напишал Библијата?“ (страница 241)
„Коранот и Библијата“ (страница 285)
„Доказ за автентичноста на Библијата“ (страници 340, 341)
„Што веруваат Јеховините сведоци“ (страници 356, 357)
„Како да се идентификува вистинската религија“ (страница 377)
8 Можеш да свртиш на избраните страници од книгата Čovječanstvo u potrazi za Bogom и да ја објасниш мислата што се дискутира. Потоа договори повторна посета поставувајќи поврзано прашање кое може да се одговори или од брошурата Бара или од книгата Спознание. Погрижи се да го поканиш станарот на состанокот за јавност и остави леток. Дај им на поединците прилика да придонесат за нашето дело, можеби велејќи: „Некои сакаат да приложат мала донација за нашето светско дело“.
9 Сите видови луѓе со искрено срце ја бараат вистината за Бог и за Христос. Можеме да им помогнеме во нашето дело на сведочење. Затоа, да продолжиме ‚да работиме напорно и да се напрегаме, затоа што нашата надеж ја имаме положено во еден жив Бог, кој е Спасител на сите видови луѓе‘ (1. Тим. 4:10, NW).