Рубрика прашања

◼ Кои публикации треба да ги проучуваме со новите пред да се крстат?

Пред некој да може да му го предаде својот живот на Јехова и да се крсти, мора да стекне точно спознание (Јован 17:3). Тој ќе ги добие информациите што му се потребни со проучување и на брошурата Што бара Бог од нас? и на книгата Спознание кое води до вечен живот. Во повеќето случаи, брошурата Бара ќе се проучува прва. Меѓутоа, ако била започната студија со книгата Спознание, брошурата Бара треба да се проучува откако ќе се заврши со книгата. Зошто ова е неопходно?

Брошурата Бара дава еден преглед на основните библиски науки. Ако се проучува прва, таа ќе му даде на студентот едно темелно разбирање на барањата како да му се угоди на Јехова. Ако се проучува на крај, таа ќе служи како едно убаво повторување на она што било обработено во книгата Спознание. Во обата случаи, охрабри го студентот да ги провери поткрепувачките стихови и да размислува за нив. Погрижи се да ги истакнеш сликите, бидејќи тие се многу делотворна помош во поучувањето. (Види Стражарска кула од 15 јануари 1997, страници 16, 17).

Штом библискиот студент ќе заврши со проучување на обете публикации, можеби ќе може да одговори на сите прашања кои старешините ќе ги разгледуваат со него во подготовката за крштавање. Ако е така, можеби нема да има потреба да се води формална студија со него со некоја друга публикација, иако водителот треба и понатаму да покажува активен интерес за неговиот напредок. (Види Стражарска кула од 15 јануари 1996, страници 14, 17.)