Рубрика прашања

◼ Дали собранието треба да има изложено голема карта на подрачјето во Салата на Царството?

Да, на еден ѕид во Салата на Царството треба да биде изложена голема врамена карта на подрачјето. Таа не треба да се постави на огласната табла. На неа треба да се гледаат целосните граници на подрачјето што му е доделено на собранието и границите на секое поединечно подрачје заедно со бројот на доделба. Треба да бидат обележани границите на подрачјето на секое собрание што ја користи истата Сала на Царството. Тоа ќе им помогне и на објавителите и на новозаинтересираните да одредат во кое собраниско подрачје живеат. Тоа што на картата ќе бидат покажани и локациите на Собраниска студија на книга, ќе им помогне на сите да ја пронајдат студијата на книга каде што се доделени. На картата треба постојано да се внесуваат најнови податоци.

Изложувањето на таква карта служи како потсетник за сите објавители дека, ако е можно, би било добро секој да има свое доделено подрачје. Картата ќе биде корисна за оние кои сакаат да си одберат подрачје во близината каде што живеат. Понекогаш може да заштеди време на состаноците за служба, овозможувајќи му на водителот брзо да ја упати секоја група до подрачјето каде што е доделена да работи.

Картата служи и како доказ дека собранието е организирано темелно да ја проповеда пораката за Царството на доделеното подрачје (Лука 9:6).