„За Бог сѐ е можно“

¹ Првенствено дело на христијанското собрание е да се проповеда пораката за Царството во целиот свет (Мат. 24:14). Тоа е огромен потфат. На многу набљудувачи им се чини дека се потребни далеку поголеми средства од оние што ги имаме. Други мислат дека е речиси незамисливо да се изврши оваа задача затоа што сме изложени на исмевање, противење и прогонство (Мат. 24:9; 2. Тим. 3:12). Скептиците се уверени дека е невозможно да се изврши ова дело. Меѓутоа, Исус рекол: „За Бог сѐ е можно“ (Мат. 19:26).

² Позитивни примери за имитирање: Исус ја започнал својата служба како еден човек против цел систем на работи. Во обидот да го оневозможат неговиот успех, противниците го подложиле на секакви можни понижувања и конечно на агониска смрт. Сепак, на крајот, Исус со доверба изјавил: „Јас го победив светот“ (Јован 16:33). Навистина неверојатен успех.

³ Исусовите ученици покажале ист храбар дух и ревност во христијанската служба. Многумина биле камшикувани, тепани, фрлани в затвор, па дури и убивани. Сепак, тие ‚се радувале што биле сметани за достојни да бидат посрамени поради неговото име‘ (Дела 5:41). И покрај сите пречки, тие ја извршиле навидум невозможната задача да ја проповедаат добрата вест „до најоддалечениот дел од земјата“ (Дела 1:8; Кол. 1:23).

⁴ Како да успееме во денешно време: И ние ревносно сме се зафатиле со делото на проповедање на Царството и покрај навидум невозможни околности. И покрај забраните, прогонството, апсењата и други насилнички обиди да нѐ запрат, ние имаме успех. Како е можно тоа? „Не со сила ни со снага, туку со Мојот Дух! — слово е на Господа над Војските“ (Зах. 4:6). Со Јеховината поддршка, ништо не може да го запре нашето дело! (Рим. 8:31).

⁵ Кога проповедаме, немаме причина да бидеме срамежливи или уплашени или да се чувствуваме недостаточни (2. Кор. 2:16, 17). Имаме ненадминливи причини да одиме напред во ширењето на добрата вест за Царството. Со Јеховина помош, ќе го постигнеме она што е „невозможно“! (Лука 18:27).