Колку добро се храниш духовно?
1 Се вели дека ‚ние сме она што го јадеме‘. Навистина, на нашата физичка сила и здравје влијаат нашите навики на исхрана. Бидејќи Исус рекол: „Нема да живее човек само од леб туку и од секоја изјава што излегува од Јеховината уста“, нашите навики на духовна исхрана влијаат врз нас позитивно или негативно (Мат. 4:4). Според тоа, колку добро се храниш духовно? Дали си многу пребирлив? Дали јадеш набрзина? Или сакаш полека да уживаш во редовни, урамнотежени и хранливи духовни оброци?
2 Анализирај ја својата исхрана: Јехова обезбедува „храна во право време“ и „гозба од мрсно месо“ преку „верниот и разборит роб“ (Мат. 24:45; Иса. 25:6). За да извлечеме целосна корист од овие подготовки полни со љубов, мораме да вложуваме напор добро да се храниме духовно.
3 Можеби ќе се запрашаш: ‚Дали секој ден го читам дневниот стих и коментарот? Дали секојдневно ја читам Библијата и медитирам за неа? Дали се подготвувам за собраниските состаноци однапред проучувајќи го материјалот? Дали ги имам прочитано најновите публикации, вклучувајќи го и првиот том од Пророштвото на Исаија — светлина за целото човештво?‘
4 Исус ветил: „Среќни се оние кои се свесни за своите духовни потреби . . . Среќни се оние кои гладуваат и жедуваат за праведност, бидејќи ќе бидат наситени“ (Мат. 5:3, 6). Затоа, добро храни се духовно исполнувајќи го умот и срцето со спознание за Бог.