Срдечен повик да внимаваме на Предупредувачки примери за нашево време
Сите ние можеме да ја зајакнеме нашата одлучност да го задржиме интегритетот со тоа што ќе ги земеме при срце лекциите што ги научивме од библиската драма прикажана на видеокасетата Предупредувачки примери за нашево време. Пред да ја гледаш, те молиме прочитај Броеви 25 поглавје и придружниот материјал во Insight on the Scriptures (Увид во Писмото), том 2, 419. стр., пасуси 3—5. Потоа одговори на овие прашања: Кои биле Моавците, и зошто Јехова му рекол на Мојсеј да не војува со нив? (Втор. 2:9). Како планирал Валаам да ги искористи Моавците за да ја уништи израелската нација? Зошто не треба да заборавиме дека многу Израелци паднале на еден многу важен испит токму пред да влезат во Ветената земја? (1. Кор. 10:11, 12).
Додека ја гледаш видеокасетата Предупредувачки примери, размислувај за следниве четири подрачја во животот на кои мораме сериозно да им обрнеме внимание денес, ако сакаме да се покажеме верни и да уживаме Божја наклоност. 1) Став: Како некои Израелци покажале погрешен став кон Јехова и неговите подготовки? Наместо тоа, каков став треба да се стремиме да покажуваме ние? 2) Друштво: Зошто Јехова не сакал Израелците да се спријателат со Моавците? (Изл. 34:12; Посл. 13:20). Зошто мораме мудро да ги избираме своите пријатели? 3) Морал: На каков сериозен грев биле наведени околу 23.000 Израелци од лошите друштва? (1. Кор. 10:8). Што е тоа што денес намамило некои од Божјиот народ да извршат неморал, но како можеме да се заштитиме? 4) Обожавање: Како биле испитани Израелците во врска со чистотата на нивното обожавање? На кој лукав облик на идолопоклонство можат да подлегнат некои денес, но како можеме да го избегнеме тоа? (Кол. 3:5).
Како беше награден Јамин за неговиот морален интегритет во драмата? Кој срдечен повик го упатува Водечкото тело до сите вистински христијани со помош на оваа видеокасета? Ако си семеен поглавар, зошто мислиш дека би било мудро твоето домаќинство да ја гледа секогаш одново?