Рубрика прашања

◼ Кои две публикации треба да ги користиме за да проучуваме со интересентите?

Книгата Што учи Библијата е нашата главна публикација со која можеме да започнуваме и да водиме библиски студии. Не е погрешно да користиме и други публикации, како на пример некој соодветен трактат, за да започнеме да проучуваме со заинтересираните, но треба, колку што е можно побрзо, да се префрлиме на книгата Што учи Библијата. Објавителите постигнале извонредни резултати кога ја користеле оваа книга за да започнат библиски студии.

Ако интересентот напредува во духовен поглед, откако ќе заврши со книгата Што учи Библијата треба да ја проучува книгата Обожавај го Бог (Кол. 2:7). На 2. страница од оваа книга е објаснета нејзината цел: „Библијата ги поттикнува сите што го љубат Бог да ја ‚сфатат умствено... висината и длабочината‘ на неговите скапоцени вистини (Ефешаните 3:18). Оваа книга е подготвена за таа цел. Се надеваме дека ќе ти помогне да растеш духовно и да бидеш подобро опремен да одиш по тесниот пат што води во живот во Божјиот праведен нов свет“.

Доколку интересентот ги исполни условите за крштавање пред да ги помине и двете книги, со него треба да се проучува сѐ додека не ја заврши и втората. Во таков случај, дури и ако тоа лице е веќе крстено, оној што го поучува може да ги извести времето, повторната посета и библиската студија. Објавителот што го придружува водителот и учествува во проучувањето може исто така да го извести времето.