Посебна акција со трактат — од 20 октомври до 16 ноември!
1 Од понеделник, 20 октомври, цели четири седмици ќе делиме еден нов трактат со наслов: Сакаш ли да ја дознаеш вистината? Се надеваме дека оваа посебна акција низ целиот свет ќе поттикне повеќе луѓе да се заинтересираат за единствениот извор на вистина (Јован 17:17).
2 Трактатот дава кратки библиски одговори на шест важни прашања: „Дали Бог е заинтересиран за нас?“, „Ќе има ли крај на војните и страдањата?“, „Што се случува кога човек ќе умре?“, „Има ли надеж за мртвите?“, „Кои молитви ги слуша Бог?“ и „Како да бидам вистински среќен?“ Црквите на христијанскиот свет никогаш не дале задоволувачки одговор на овие прашања. Дури и многумина што не се изјаснуваат како христијани си ги поставуваат, но можеби не знаат дека јасните одговори се наоѓаат во Библијата. Затоа, можеме да очекуваме оваа порака да заинтересира многу луѓе.
3 Обработи го подрачјето: Потруди се да го обработиш своето подрачје. Ако вашето собрание има големо подрачје, старешините можеби ќе ве поттикнат веднаш да оставите трактат и таму каде што нема никој дома. Не заборавај да им го дадеш новиот трактат и на соседите, роднините, познајниците на работа или на училиште и на другите со кои често контактираш. Можеби ќе успееш да се организираш за да бидеш помошен пионер во октомври или во ноември. Имаш ли дете или интересент што духовно добро напредува и ги исполнува условите да ни се придружи во акцијата како некрстен објавител? Ако имаш, тогаш извести ги старешините.
4 Што да кажеш: За да им ја пренесеш оваа порака на повеќе луѓе, најдобро е презентацијата да биде кратка. Едноставно постави им на станарите едно од шесте прашања од насловната страница и покажи им го одговорот во трактатот. На овој начин сите објавители ќе можат да ги приспособат своите презентации на потребите на подрачјето. Ако некој покаже интерес, запиши го тоа и повторно посети го. Во викендите, заедно со трактатот, може да ги нудиме и најновите списанија. Откако ќе заврши акцијата на 16 ноември, ќе ја нудиме книгата Што учи Библијата. Преостанатите трактати ќе ги нудиме исто како и другите трактати.
5 Започнувај библиски студии: Овој трактат е посебно наменет за започнување библиски студии. Кога ќе посетиш некој што бил заинтересиран, би можел да го прашаш која библиска вистина го утешила или му помогнала? Покажи му ја последната страница каде што пишува дека може да ја проучува Библијата со помош на книгата Што учи Библијата и дај му еден примерок од неа. Ако е можно, накратко разгледајте еден до два пасуса од поглавјето во кое пишува нешто повеќе за темата што го интересира.
6 Јехова ги бара оние што ќе му оддаваат почит „со дух и со вистина“ (Јован 4:23). Затоа, сите да учествуваме во оваа посебна акција за да им помогнеме на другите да ја дознаат вистината!