Прашања

◼ Дали и двајцата родители можат да го известат времето што го користат за редовното семејно проучување?

Иако таткото е првенствено одговорен да ги воспитува децата ‚со стега од Јехова и да им помага да го усвојат Неговиот начин на размислување‘, сепак и двајцата родители имаат удел во воспитувањето на своите деца (Еф. 6:4). Библијата ги поттикнува децата: „Слушај ја, сине мој, поуката на татко ти и не оставај ги упатствата на мајка ти“ (Изр. 1:8). Семејното проучување на Библијата е еден важен начин на кој родителите можат да ги воспитуваат децата.

Порано, само родителот што го водеше семејното проучување со своите некрстени деца можеше да го извести времето, дури и кога во разговорот учествуваа двајцата родители. Но, ова е сменето. Денес, ако во текот на семејното проучување и двајцата родители учествуваат во поучувањето на децата, тогаш и двајцата можат да известат по еден час седмично како служба на проповедање. Се разбира, родителите обично ги поучуваат своите деца многу подолго од еден час седмично. Тие треба постојано да се трудат околу воспитувањето на децата (5. Мој. 6:6-9). Сепак, месечниот извештај од службата треба главно да покаже што е постигнато на подрачјето. Затоа, не треба да се извести повеќе од еден час седмично, дури и кога проучувањето трае подолго од еден час и се одржува повеќе пати седмично, па дури и кога се проучува со секое дете посебно. Само еден родител треба да извести библиска студија и една повторна посета за секоја седмица кога проучувале.