Биди добар соработник во службата од врата до врата

1. Зошто е корисно да проповедаме со партнер?

¹ Во една прилика, Исус испратил 70 ученици да проповедаат и ‚ги испратил двајца по двајца‘ (Лука 10:1). Без сомнение, ова им овозможило на неговите ученици да си помагаат и да се храбрат еден со друг додека проповедале. Како можеме и ние да си помагаме кога сме со друг објавител во службата?

2. Како и зошто треба да слушаме кога нашиот партнер му сведочи на станарот?

² Слушај внимателно: Слушај внимателно додека твојот партнер му сведочи на станарот (Јак. 1:19). Ако чита стих, следи во твојата Библија. Гледај во оној што зборува, било да е тоа партнерот било да е станарот. Ако добро внимаваш на разговорот, можеби ќе го поттикнеш и станарот внимателно да слуша.

3. Во која ситуација на нашиот партнер би му било мило да се вклучиме во разговорот?

³ Добро процени кога да зборуваш: Кога партнерот зборува, ќе му искажеме почит со тоа што ќе му дозволиме да предводи во разговорот (Рим. 12:10). Не треба да го прекинуваме. Но, може да се случи да му избега мислата или, пак, станарот да постави прашање или да изнесе некаков приговор, и партнерот да нѐ замоли за помош. Што да правиме во таков случај? Треба да се надоврземе на она што го кажал, а не да започнуваме друга тема (Изр. 16:23; Проп. 3:1, 7). Со своите зборови треба да го поткрепиме сведоштвото што го дава партнерот (1. Кор. 14:8).

4. Што ќе ни помогне да бидеме радосни и успешни во службата?

⁴ Откако завршиле со проповедањето, 35-те пара ученици ‚се вратиле радосни‘ (Лука 10:17). И ние ќе бидеме радосни и успешни ако внимателно слушаме и ако добро процениме кога да зборуваме додека сме во служба со друг објавител.