Дали си ја користел последната страница?
Кога луѓето ќе земат списание, обично ја погледнуваат насловната страница, а потоа автоматски го свртуваат списанието за да ја видат последната страница. На последната страница од Стражарска кула (изданието за јавност) се наведени неколку интересни прашања и изјави, како и страниците на кои можат да се најдат соодветните информации.
Таа страница може да ни даде добри идеи за тоа какво прашање да поставиме за да започнеме разговор. Ако имаме подрачје кое често се обработува, можеме да ја менуваме нашата презентација така што ќе користиме различни прашања во текот на месецот. Ако станарот е зафатен, можеме да ја скратиме презентацијата така што ќе му посочиме едно прашање од последната страница, и ќе кажеме: „Ако сакате да го дознаете одговорот, можам да Ви ги оставам овие списанија и да поразговараме повеќе кога ќе имате време“. Некои објавители би можеле да започнат разговор така што ќе му ја покажат на станарот последната страница и ќе го замолат да избере прашање што го интересира. Потоа можат да му покажат каде се наоѓа одговорот и да му прочитаат стих што го избрале однапред. Веројатно ќе се сетиш и на други идеи како да ја користиш последната страница за да го поттикнеш интересот на луѓето за списанието Стражарска кула.