Како да ги објасниме нашите верувања за 1914

Библијата нѐ поттикнува ‚секогаш да бидеме спремни‘ да ги браниме нашите верувања „благо и со длабока почит“ (1. Пет. 3:15). Но, понекогаш ни е тешко да ги објаснуваме подлабоките библиски вистини. На пример, можеби не е лесно да објасниме од каде знаеме дека Царството почнало да владее во 1914 год. Затоа, од голема помош ќе ни бидат двете статии со наслов „Разговор на библиски теми — Кога почнало да владее Божјето Царство?“ во изданието на Стражарска кула за широка публика за октомври и ноември. Додека ги читаш овие статии, размисли за следниве прашања поврзани со начинот на кој сведочи Кристијан, објавителот што е спомнат во нив.

Како Кристијан...

• користеше пофалба за да најде заеднички темел? (Дела 17:22).

• покажа понизност додека го објаснуваше своето верување? (Дела 14:15).

Зошто е добро тоа што Кристијан...

• одвреме-навреме ги повторуваше главните мисли пред да започне нова мисла?

• повремено го прашуваше станарот дали го разбира тоа што му го кажува?

• не изнесуваше премногу информации во еден разговор? (Јован 16:12).

Многу сме му благодарни на Јехова, нашиот „Најголем Учител“, затоа што ни помага да им ги објасниме длабоките библиски вистини на оние што се духовно гладни! (Иса. 30:20).