Стани повешт во службата — Започни библиска студија со помош на книгата Што учи Библијата

Зошто е важно: Многу луѓе нема да нѐ сфатат ако им кажеме дека им нудиме бесплатен библиски курс. Би можеле да помислат дека тоа е голема обврска за нив. Наместо да им понудиме курс, зошто да не им покажеме како изгледа таквиот курс? За само неколку минути, дури и на врата, можеме да покажеме колку лесно и поучно е тоа.

Како да го правиме тоа:

Откако ќе се претставиш, прашај го станарот дали е загрижен за иднината.
Спомни му дека истото ги загрижува и многу други луѓе и покажи му ја содржината од книгата Што учи Библијата. Објасни му дека поглавјата во оваа книга се лесно разбирливи и дека од нив можеме да дознаеме што учи Библијата за иднината и за други теми. Прашај го кое поглавје го интересира.
Дај му книга и отвори го поглавјето што го избрал. Објасни дека прашањата на почетокот од поглавјето се одговорени во материјалот што следи.
Прочитај го првиот пасус или, ако е соодветно, замоли го да го прочита тој. Потоа прочитај го прашањето за тој пасус и заедно разгледајте го одговорот. Прочитај и објасни некои стихови од пасусот кои се поврзани со одговорот на прашањето. Покажи му дека во твојата книга одговорите се подвлечени.
Разгледајте го следниот пасус, но сега замоли го станарот да се обиде да одговори на прашањето со свои зборови.
Пофали го и договорете се повторно да се видите за да продолжите.
Ако е соодветно, покажи му го видеото на jw.org/mk со наслов Како изгледа еден библиски курс?

Предлог за месецот:

Моли го Јехова да те благослови додека се трудиш да започнеш библиска студија (Фил. 2:13).
Пробај да започнеш библиска студија со помош на книгата Што учи Библијата или пушти го видеото Како изгледа еден библиски курс? барем еднаш додека си во служба.