Подготви се за Спомен-свеченоста

Било 13 нисан 33 год. од н.е. Исус знаел дека тоа му е последната вечер со неговите најблиски пријатели и дека следниот ден ќе биде погубен. Тој сакал да ја прослави својата последна Пасха со нив и да воведе една нова прослава, Господаровата вечера. Но, за еден таков важен настан требало да се направат некои подготовки. Затоа ги испратил Петар и Јован да подготват сѐ што било потребно (Лука 22:7-13). И христијаните денес што секоја година ја одбележуваат Спомен-свеченоста треба добро се подготват за овој настан (Лука 22:19). Кои се некои основни подготовки што треба да се направат за овогодишната Спомен-свеченост што ќе се одржи на 3 април?

За старешините:

Организирајте каде ќе се одржи Спомен-свеченоста — дали во Салата или во некој друг соодветен објект. Треба да има доволно седишта, соодветно осветлување и проветрување. Местото треба однапред добро да се исчисти.
Одберете добар говорник, претседавач и браќа што ќе кажат молитва пред да се подадат симболите.
Ако Спомен-свеченоста треба да се одржи повеќепати едноподруго на истото место, добро испланирајте го времето и одредете каде ќе се влегува и од каде ќе се излегува од објектот и од паркингот.
Одберете ги и организирајте ги редарите и браќата што ќе ги подаваат симболите.
Погрижете се да ги имате соодветните симболи, како и чинии, чаши за вино, маса и чаршав за масата.

За објавителите:

Направете план да учествувате во што е можно поголема мера во акцијата во која ќе ги каниме луѓето на Спомен-свеченоста.
Направете си список со интересенти, роднини, соученици, колеги и други познајници, и поканете ги.
Читајте го и размислувајте за материјалот предвиден за читањето на Библијата за Спомен-свеченоста.
Дојдете на Спомен-свеченоста порано за да ги пречекате луѓето што ќе дојдат.