Стани повешт во службата — редовно носи им ги списанијата на луѓето

Зошто е важно: Има многу луѓе што сакаат да ги читаат нашите списанија, но не сакаат да ја проучуваат Библијата со нас. Можеби се задоволни со својата религија или сметаат дека немаат време за проучување. Меѓутоа, со оглед на тоа што редовно ги читаат нашите списанија, можеби ќе стекнат желба да научат нешто повеќе од Божјата Реч (1. Пет. 2:2). Можеби некоја статија ќе ги допре до срце или, пак, ќе им се сменат околностите. Ако на кратко, но редовно одиме кај нив, ќе се чувствуваат поопуштено со нас и ќе можеме да дознаеме што ги интересира и загрижува. Со текот на времето, можеби ќе почнеме и да проучуваме со нив.