Покана за конгрес
1. Кога ќе почне акцијата за делење на поканите за конгресот?
1 Ако планираш да викнеш некои пријатели или роднини на посебен ручек за кој ќе потрошиш многу време и средства, сигурно со одушевеност ќе ги поканиш да дојдат. Слично на ова, беше вложен голем труд за да се подготви духовната гозба која нѐ очекува на нашиот претстоен конгрес. Три седмици пред конгресот, Јехова ни дава чест да ги каниме и другите. Што ќе ни помогне одушевено да делиме покани?
2. Што ќе нѐ поттикне да дадеме сѐ од себе во акцијата?
2 Ќе бидеме поттикнати да дадеме сѐ од себе во оваа акција ако со ценење размислуваме за тоа колку ние лично уживаме во духовната гозба што ни ја приредува Јехова на конгресите (Иса. 65:13, 14). Освен тоа, не треба да заборавиме дека секоја година има добри резултати од оваа акција. (Види ја рамката „Резултати од акцијата“.) Некои од оние што ќе ги поканиме ќе дојдат на конгресот, а други не. Сепак, независно од тоа колку ќе дојдат, трудот што ќе го вложиме во акцијата ќе му донесе фалба на Јехова и ќе покаже колку великодушен е тој (Пс. 145:3, 7; Отк. 22:17).
3. Како ќе се делат поканите?
3 Секое старешинство треба да одреди како може собранието да подели што е можно повеќе покани. Меѓу другото, треба да одреди дали ќе се оставаат кај луѓето што не се дома и дали ќе се нудат при сведочењето на прометни места во рамките на собраниското подрачје. За време на викендите, ако е соодветно, освен покана треба да понудиме и списанија. Откако ќе заврши акцијата, ќе бидеме пресреќни што со одушевеност сме учествувале во неа и што сме поканиле многу луѓе да присуствуваат заедно со нас на духовната гозба што ни ја приредил Јехова!