Да ја користиме моќта на Божјата Реч во службата

Кога некој ни дозволува да му зборуваме за добрата вест, треба да ја искористиме таа прилика и да му прочитаме стихови директно од Библијата за да му помогнеме да извлече корист од моќта на Божјата Реч. Ова беше нагласено на минатогодишниот покраински собир. Покраинскиот надгледник го одржа говорот со наслов „Користи ја моќта на Божјата Реч во службата“. Се сеќаваш ли на главните мисли?

• Зошто Јеховините зборови се посилни од нашите зборови? (2. Тим. 3:16, 17).

• На кој начин Библијата влијае врз чувствата и однесувањето, го обликува размислувањето и ги прочистува мотивите? (Види во Стражарска кула од 15 јуни 2012, стр. 27, пас. 7.)

• Како можеме да го насочиме вниманието кон Божјата Реч за да му помогнеме на слушателот да има ценење за неа? (Види во книгата Школа за служба, стр. 148, пас. 3-4 и во Нашата служба за Царството од март 2013, стр. 6, пас. 8.)

• Зошто е важно стиховите што ги читаме да ги објасниме и да изнесеме аргументи што се темелат на Библијата, и како можеме да го правиме тоа? (Дела 17:2, 3; види во книгата Школа за служба, стр. 154, пас. 4 до стр. 156, пас. 5).