Помагај му на твоето семејство да не го заборави Јехова

Еремија добил задача да ги предупреди Евреите за уништувањето кое претстоело затоа што го заборавиле Јехова (Ере 13:25). Зошто израелскиот народ ослабнал духовно до тој степен? Семејствата во Ерусалим го занемариле пријателството со Јехова. Очигледно семејните поглавари не го следеле упатството од Јехова запишано во 5. Мојсеева 6:5-7.

Денес, духовно јаките семејства придонесуваат собранијата да бидат стабилни. Семејниот поглавар му помага на семејството да го засака Јехова така што се труди Семејната вечер да биде редовна, интересна и практична за сите (Пс 22:27). Откако ќе го изгледате видеоклипот „Овие зборови... нека ти се врежат во срцето“ — интервјуа со семејства, одговорете на следниве прашања:

• Како некои семејства успеваат редовно да ја одржуваат Семејната вечер и покрај предизвиците?

• Кои се некои благослови ако Семејната вечер биде редовна, интересна и практична за сите?

• Со какви предизвици се соочувам и како планирам да ги надминам за да имаме редовна Семејна вечер?