Извлечи поголема корист од личното проучување

ЗОШТО Е ВАЖНО: Личното проучување на Божјата Реч ни помага во потполност да разбереме што е „ширината и должината и височината и длабочината на вистината“ (Еф 3:18). Тоа ни помага и да останеме беспрекорни и неизвалкани среде овој расипан свет и цврсто да се држиме за „речта на животот“ (Фп 2:15, 16). Кога сами ја проучуваме Божјата Реч, можеме да си избереме материјал што нам лично ни е потребен. Како можеме да извлечеме поголема корист од читањето и проучувањето на Библијата?

КАКО ДА ГО ПРАВИМЕ ТОА:

• Подвлекувај стихови и прави си белешки во твојата Библија, сеедно дали на хартија или во електронски формат.

• Додека ја читаш Божјата Реч, поставувај си ги следниве прашања: Кој? Што? Кога? Каде? Зошто? Како?

• Дознај повеќе информации. Со помош на алатките за истражување кои ти се достапни, пребарувај по тема или по библиски стих.

• Размислувај за она што го читаш за да сфатиш како може да ти користи.

• Применувај го во секојдневниот живот она што го учиш (Лк 6:47, 48).

ГЛЕДАЈ ГО ВИДЕОКЛИПОТ ЦВРСТО ДРЖИ СЕ ЗА „РЕЧТА НА ЖИВОТОТ“ — ТЕМЕЛНО ПРОУЧУВАЈ, А ПОТОА ОДГОВОРИ ГИ СЛЕДНИВЕ ПРАШАЊА:

• Што велат некои за личното проучување?

• Зошто е важно секогаш кога сакаме да проучуваме првин да се помолиме?

• Што може да ни помогне подобро да разбереме некој библиски стих?

• Како би можеле да ги обележуваме стиховите во нашиот личен примерок на Библијата?

• Зошто е неопходно длабоко да размислуваме кога ја проучуваме Божјата Реч?

• Што треба да правиме откако сме научиле нешто?