Стани повешт во службата — сведочење преку камера или домофон

ЗОШТО Е ВАЖНО: Поради напредокот на технологијата и порастот на криминалот, сѐ повеќе луѓе во своите домови поставуваат сигурносни камери и домофони. Можеби имаме трема кога треба да му сведочиме на некој што нас нѐ гледа, но ние не го гледаме. Следниве работи ќе ни помогнат да имаме поголема самодоверба кога сведочиме преку камера или домофон.

КАКО ДА ГО ПРАВИМЕ ТОА:

• Имај позитивен став. Многу станари кои имаат камера или домофон се спремни да разговараат со нас.

• Имај на ум дека некои камери почнуваат да те снимаат пред да заѕвониш, и дека станарот можеби те гледа и те слуша уште пред да се приближиш до вратата.

• Кога станарот ќе одговори, зборувај пред домофонот или камерата како да зборуваш лице в лице со него. Биди природен и насмевнувај се. Кажи ги истите работи што си планирал да му ги кажеш доколку ја отворел вратата. Ако има камера, не го приближувај лицето премногу блиску до неа. Ако станарот не одговори, не оставај гласовна порака доколку има таква опција на домофонот.

• Имај на ум дека, откако ќе заврши разговорот, станарот можеби сѐ уште те гледа или те слуша.