Користи ја Библијата како огледало

Ученикот Јаков ја споредил Библијата со огледало кое ни помага да видиме какви сме однатре (Јак. 1:22-25). Како можеме да ја користиме Библијата како огледало на исправен начин?

Читај внимателно. Ако само набрзина се погледнеме во огледало, би можеле да не забележиме некој голем недостаток. На сличен начин, ако само набрзина ја читаме Библијата, нема да забележиме какви промени треба да направиме во нашата внатрешна личност. Затоа, треба внимателно да ја читаме Библијата.

Концентрирај се на она што треба ти да го смениш, а не другите. Ако го држиме огледалото под извесен агол, ќе ги видиме маните на некој друг. На сличен начин, би можеле да ја користиме Библијата за да ги откриеме слабостите на другите. Но, тоа нема да ни помогне да ги поправиме нашите слабости.

Биди разумен. Ако се гледаме во огледало и постојано го гледаме она што не ни се допаѓа, би можеле да се обесхрабриме. Треба да бидеме разумни додека ја читаме Божјата Реч и да не очекуваме од нас повеќе отколку што очекува Јехова (Јак. 3:17).