Што ни открива Библијата за диносаурусите?

Што вели Библијата:

Диносаурусите не се директно спомнати во Библијата. Сепак, од неа дознаваме дека Бог создал сѐ, што значи дека и овие животни биле меѓу живите суштества што тој ги создалa (Откровение 4:11). Иако диносаурусите не се директно спомнати во Библијата, во неа се наведени одредени групи на животни во кои можеби спаѓале:

• „Големите морски животни“ или „чудовишта“ (1. Мојсеева 1:21; Превод на Д-р Душан Х. Константинов).

• „Сите лазачи на земјата“ (1. Мојсеева 1:25 Превод на Д-р Душан Х. Константинов).

• „Дивите земни животни“ (1. Мојсеева 1:25).

Дали диносаурусите настанале по пат на еволуција?

Во фосилните записи диносаурусите се појавуваат одеднаш, а не постепено како да настанале по пат на еволуција. Ова е во склад со она што го тврди Библијата — дека Бог ги создал сите животни. На пример, во Псалм 146:6 за Бог се вели дека е „Творецот на небото и на земјата и на морето и на сѐ што е во нив“.

Во кој период живееле диносаурусите?

Според Библијата, морските и земните животни биле создадени во текот на петтиот и шестиот ден од создавањетоb (1. Мојсеева 1:20-25, 31). Од ова можеме да заклучиме дека диносаурусите постоеле во текот на еден подолг временски период.

Дали вехемот и левијатанот биле диносауруси?

Не. Иако не можеме со сигурност да тврдиме кои биле овие животни спомнати во книгата Јов, се смета дека вехемот се однесува на нилскиот коњ, а левијатан на крокодилот. Ова се совпаѓа со описот што е даден за нив во Библијата (Јов 40:15-23, фуснота; 41:1, 14-17, 31, фуснота). Како и да е, изразите „вехемот“ и „левијатан“ не може да се однесуваат на диносауруси. Бог му кажал на Јов да ги набљудува овие животни, а тој живеел долго време откако диносаурусите исчезнале (Јов 40:16; 41:8).

Што се случило со диносаурусите?

Библијата не ни кажува како исчезнале диносаурусите. Сепак, таа ни кажува дека сѐ постои „поради [Божјата] волја“, што значи дека Бог очигледно ги создал диносаурусите со одредена цел (Откровение 4:11). Кога таа цел се исполнила, Бог дозволил диносаурусите да изумрат.