ЛЕКЦИЈА 15

Да се зборува со увереност

1. Солуњаните 1:5

ЦЕЛ: Покажи дека си цврсто уверен во вистинитоста и важноста на она што го кажуваш.

КАКО ДА ГО ПОСТИГНЕШ ТОА:

Темелно подготви се. Проучувај го материјалот сѐ додека не сфатиш како наведените библиски стихови ги поткрепуваат главните мисли. Обиди се да ги изразиш главните мисли од материјалот со само неколку едноставни зборови. Размислувај за тоа колку тие се важни за оние што те слушаат. Моли се за свет дух.

Вежбај го својот говор на глас. Така мислите од материјалот ќе ти се врежат во умот, а твоето излагање ќе биде потечно.
Користи зборови со кои се изразува увереност. Наместо да прочиташ сѐ од збор до збор како што стои во печатениот материјал, изнеси ги мислите со свои зборови. Од твојот избор на зборови треба да се види дека си сигурен во она што го кажуваш.
Покажи дека навистина си уверен во она што го кажуваш. Биди доволно гласен. Гледај ги своите слушатели во очи.

Да зборуваш со увереност не значи да бидеш безобѕирен, наметлив или упорен. Дури и кога се изразуваш со увереност, треба да звучиш благо и љубезно.