-
സംഖ്യ 22:5വിശുദ്ധ തിരുവെഴുത്തുകൾ—പുതിയ ലോക ഭാഷാന്തരം
-
-
5 പെഥോരിലുള്ള, ബയോരിന്റെ മകനായ ബിലെയാമിന്റെ+ അടുത്തേക്കു ബാലാക്ക്‌ ദൂതന്മാരെ അയച്ചു. ബിലെയാം തന്റെ ജന്മദേശത്തെ നദിയുടെ* തീരത്താണു താമസിച്ചിരുന്നത്‌. അയാളെ ക്ഷണിച്ചുകൊണ്ട്‌ ബാലാക്ക്‌ പറഞ്ഞു: “ഇതാ, ഈജിപ്‌തിൽനിന്ന്‌ ഒരു ജനം വന്നിരിക്കുന്നു! അവർ ഭൂമുഖത്തെ* മുഴുവൻ മൂടിയിരിക്കുന്നു!+ എന്റെ തൊട്ടുമുന്നിലാണ്‌ അവർ ഇപ്പോൾ താമസിക്കുന്നത്‌.
-
-
ആവർത്തനം 23:3, 4വിശുദ്ധ തിരുവെഴുത്തുകൾ—പുതിയ ലോക ഭാഷാന്തരം
-
-
3 “ഒരു അമ്മോന്യനോ മോവാബ്യനോ യഹോവയുടെ സഭയിൽ വരരുത്‌.+ അവരുടെ വംശജർ ആരും, പത്താം തലമുറപോലും, ഒരിക്കലും യഹോവയുടെ സഭയിൽ വരരുത്‌. 4 കാരണം നിങ്ങൾ ഈജിപ്‌തിൽനിന്ന്‌ പുറപ്പെട്ടുവരുന്ന വഴിക്ക്‌ ആഹാരവും വെള്ളവും തന്ന്‌ അവർ നിങ്ങളെ സഹായിച്ചില്ല.+ മാത്രമല്ല, നിങ്ങളെ ശപിക്കുന്നതിനുവേണ്ടി മെസൊപ്പൊത്താമ്യയിലെ പെഥോരിലുള്ള ബയോരിന്റെ മകനായ ബിലെയാമിനെ അവർ കൂലിക്കെടുക്കുകയും ചെയ്‌തു.+
-