30 കരുണയ്‌ക്കുവേണ്ടിയുള്ള അടിയന്റെ അപേക്ഷ​യും ഈ സ്ഥലത്തിനു നേരെ തിരിഞ്ഞ്‌ ഇസ്രാ​യേൽ ജനം നടത്തുന്ന യാചന​യും കേൾക്കേ​ണമേ. അങ്ങയുടെ വാസസ്ഥ​ല​മായ സ്വർഗത്തിൽനിന്ന്‌+ കേട്ട്‌ ഞങ്ങളോ​ടു ക്ഷമി​ക്കേ​ണമേ.+

14 ദൂതന്മാരുടെ കൈയിൽനി​ന്ന്‌ ഹിസ്‌കിയ ആ കത്തുകൾ വാങ്ങി വായിച്ചു. പിന്നെ യഹോ​വ​യു​ടെ ഭവനത്തി​ലേക്കു ചെന്ന്‌ അവ* യഹോ​വ​യു​ടെ സന്നിധി​യിൽ നിവർത്തി​വെച്ചു.+ 15 എന്നിട്ട്‌ ഹിസ്‌കിയ യഹോ​വ​യോട്‌ ഇങ്ങനെ പ്രാർഥി​ച്ചു:+ 16 “കെരൂ​ബു​കൾക്കു മീതെ സിംഹാസനത്തിൽ* ഇരിക്കു​ന്ന​വ​നും ഇസ്രാ​യേ​ലി​ന്റെ ദൈവ​വും സൈന്യ​ങ്ങ​ളു​ടെ അധിപ​നും ആയ യഹോവേ,+ അങ്ങ്‌ മാത്ര​മാ​ണു ഭൂമി​യി​ലെ എല്ലാ രാജ്യ​ങ്ങ​ളു​ടെ​യും ദൈവം. അങ്ങ്‌ ആകാശ​ത്തെ​യും ഭൂമി​യെ​യും ഉണ്ടാക്കി. 17 യഹോവേ, ചെവി ചായിച്ച്‌ കേൾക്കേ​ണമേ!+ യഹോവേ, അങ്ങയുടെ കണ്ണു തുറന്ന്‌ കാണേ​ണമേ!+ ജീവനുള്ള ദൈവത്തെ നിന്ദിക്കാൻ+ സൻഹെ​രീബ്‌ അയച്ച ഈ സന്ദേശം ശ്രദ്ധി​ക്കേ​ണമേ. 18 യഹോവേ, അസീറി​യൻ രാജാ​ക്ക​ന്മാർ സ്വന്തം ദേശവും മറ്റെല്ലാ ദേശങ്ങ​ളും നശിപ്പിച്ചുകളഞ്ഞു+ എന്നതു ശരിതന്നെ. 19 അവർ അവരുടെ ദൈവ​ങ്ങളെ ചുട്ടുകളയുകയും+ ചെയ്‌തു. കാരണം അവ ദൈവ​ങ്ങ​ളാ​യി​രു​ന്നില്ല, മനുഷ്യ​ന്റെ പണിയായ+ വെറും കല്ലും മരവും മാത്ര​മാ​യി​രു​ന്നു. അതു​കൊ​ണ്ടാണ്‌ അവർക്ക്‌ അവയെ നശിപ്പി​ക്കാൻ കഴിഞ്ഞത്‌. 20 എന്നാൽ ഞങ്ങളുടെ ദൈവ​മായ യഹോവേ, അയാളു​ടെ കൈയിൽനി​ന്ന്‌ ഞങ്ങളെ രക്ഷി​ക്കേ​ണമേ. അങ്ങനെ യഹോവ മാത്ര​മാ​ണു ദൈവ​മെന്നു ഭൂമി​യി​ലെ സകല രാജ്യ​ങ്ങ​ളും അറിയട്ടെ!”+