14 ഇസ്രാ​യേൽരാ​ജാ​വായ യഹോ​വാ​ഹാ​സി​ന്റെ മകൻ യഹോവാശിന്റെ+ ഭരണത്തി​ന്റെ രണ്ടാം വർഷം യഹൂദാ​രാ​ജാ​വായ യഹോ​വാ​ശി​ന്റെ മകൻ അമസ്യ രാജാ​വാ​യി. 2 രാജാവാകുമ്പോൾ അമസ്യക്ക്‌ 25 വയസ്സാ​യി​രു​ന്നു. 29 വർഷം അമസ്യ യരുശ​ലേ​മിൽ ഭരണം നടത്തി. യരുശ​ലേം​കാ​രി​യായ യഹോവദിനായിരുന്നു+ അമസ്യ​യു​ടെ അമ്മ. 3 പൂർവികനായ ദാവീദിനെപ്പോലെയല്ലെങ്കിലും+ അമസ്യ​യും യഹോ​വ​യു​ടെ മുമ്പാകെ ശരിയാ​യതു ചെയ്‌തു. അപ്പനായ യഹോ​വാശ്‌ ചെയ്‌തതുപോലെയെല്ലാം+ അമസ്യ​യും ചെയ്‌തു​പോ​ന്നു. 4 എന്നാൽ ആരാധ​ന​യ്‌ക്കുള്ള ഉയർന്ന സ്ഥലങ്ങൾ അപ്പോ​ഴു​മു​ണ്ടാ​യി​രു​ന്നു.+ ജനം അക്കാല​ത്തും അവിടെ ബലി അർപ്പി​ക്കു​ക​യും യാഗവ​സ്‌തു​ക്കൾ ദഹിപ്പിക്കുകയും* ചെയ്‌തു.+ 5 രാജ്യം കൈക​ളിൽ ഭദ്രമായ ഉടനെ അമസ്യ അപ്പനെ കൊന്ന ദാസന്മാ​രെ കൊന്നു​ക​ളഞ്ഞു.+ 6 എന്നാൽ ആ ദാസന്മാ​രു​ടെ മക്കളെ കൊന്നില്ല. കാരണം, “മക്കൾക്കു പകരം അപ്പന്മാ​രും അപ്പന്മാർക്കു പകരം മക്കളും മരണശിക്ഷ അനുഭ​വി​ക്ക​രുത്‌. ഒരാൾ മരണശിക്ഷ അനുഭ​വി​ക്കു​ന്നത്‌ അയാൾത്തന്നെ ചെയ്‌ത പാപത്തി​നാ​യി​രി​ക്കണം” എന്നു മോശ​യു​ടെ നിയമ​പു​സ്‌ത​ക​ത്തിൽ യഹോവ കല്‌പി​ച്ചി​രു​ന്നു.+