21 അവർ യരുശലേ​മിന്‌ അടുത്ത്‌ ഒലിവു​മ​ല​യി​ലെ ബേത്ത്‌ഫാ​ഗ​യിൽ എത്തിയ​പ്പോൾ, യേശു രണ്ടു ശിഷ്യ​ന്മാ​രെ വിളിച്ച്‌ ഇങ്ങനെ പറഞ്ഞു:+ 2 “ആ കാണുന്ന ഗ്രാമ​ത്തിലേക്കു പോകുക. അവിടെ എത്തു​മ്പോൾത്തന്നെ, ഒരു കഴുതയെ​യും അതിന്റെ കുട്ടിയെ​യും കെട്ടി​യി​ട്ടി​രി​ക്കു​ന്നതു കാണും. അവയെ അഴിച്ച്‌ എന്റെ അടുത്ത്‌ കൊണ്ടു​വ​രുക. 3 ആരെങ്കിലും വല്ലതും ചോദി​ച്ചാൽ, ‘കർത്താ​വിന്‌ ഇവയെ ആവശ്യ​മുണ്ട്‌’ എന്നു പറഞ്ഞാൽ മതി. ഉടൻതന്നെ അയാൾ അവയെ വിട്ടു​ത​രും.”

29 യേശു ഒലിവുമലയുടെ+ അരികെ ബേത്ത്‌ഫാ​ഗ​യ്‌ക്കും ബഥാന്യ​ക്കും അടുത്ത്‌ എത്തിയ​പ്പോൾ രണ്ടു ശിഷ്യന്മാരോടു+ 30 പറഞ്ഞു: “ആ കാണുന്ന ഗ്രാമ​ത്തിലേക്കു പോകുക. അവിടെ ചെല്ലു​മ്പോൾ ആരും ഇതുവരെ കയറി​യി​ട്ടി​ല്ലാത്ത ഒരു കഴുത​ക്കു​ട്ടി​യെ കെട്ടി​യി​രി​ക്കു​ന്നതു കാണും. അതിനെ അഴിച്ച്‌ കൊണ്ടു​വ​രുക. 31 ‘എന്തിനാ​ണ്‌ അതിനെ അഴിക്കു​ന്നത്‌’ എന്ന്‌ ആരെങ്കി​ലും ചോദി​ച്ചാൽ, ‘കർത്താ​വിന്‌ ഇതിനെ ആവശ്യ​മുണ്ട്‌’ എന്നു പറയുക.” 32 അവർ ചെന്ന​പ്പോൾ യേശു പറഞ്ഞതുപോലെ​തന്നെ കണ്ടു.+ 33 അവർ കഴുത​ക്കു​ട്ടി​യെ അഴിക്കു​മ്പോൾ അതിന്റെ ഉടമസ്ഥർ അവരോ​ട്‌, “എന്തിനാ​ണ്‌ അതിനെ അഴിക്കു​ന്നത്‌” എന്നു ചോദി​ച്ചു. 34 “കർത്താ​വിന്‌ ഇതിനെ ആവശ്യ​മുണ്ട്‌” എന്ന്‌ അവർ പറഞ്ഞു.