അസാധാ​രണ ദൂരദർശി​നി സൂര്യന്റെ നിഗൂ​ഢ​ത​കളെ വെളി​പ്പെ​ടു​ത്തു​ന്നു

ഞങ്ങൾ മരുഭൂ​മി​യു​ടെ ചൂടിൽനിന്ന്‌ കുറച്ചു​നേ​ര​ത്തേക്ക്‌ രക്ഷപ്പെ​ടു​ന്ന​തിന്‌ ശ്രമി​ച്ചു​കൊണ്ട്‌ ന്യൂ മെക്‌സി​ക്കോ​യു​ടെ തെക്കു​ഭാ​ഗ​ത്തുള്ള തണുത്ത ലിങ്കൺ നാഷണൽ ഫോറ​സ്‌റ​റി​ലേക്ക്‌ ഒരു ദിവസത്തെ വിനോ​ദ​യാ​ത്രക്ക്‌ പോയി. അപ്പോൾ ഞങ്ങൾ കണ്ട ഒരു അടയാളം ഞങ്ങളെ ന്യൂ മെക്‌സി​ക്കോ​യി​ലെ ക്ലൗഡ്‌​ക്രോ​ഫ്‌റ​റി​നു സമീപ​മുള്ള സൺസ്‌പോ​ട്ടിൽ സ്ഥിതി​ചെ​യ്യുന്ന സാക്ര​മെ​ന്റോ പീക്ക്‌ ഒബ്‌സർവേ​റ​റ​റി​യി​ലേക്ക്‌ നയിച്ചു. ഞങ്ങളുടെ ആകാംക്ഷ ഉണർത്ത​പ്പെട്ടു, ഞങ്ങൾ സൺസ്‌പോ​ട്ടി​ലേക്ക്‌ കാറോ​ടി​ച്ചു​പോ​യി.

ഞങ്ങളുടെ ചെറിയ സംഘത്തി​ലെ ആരും 9,200 അടി ഉയരത്തിൽ പരിച​യ​മു​ള്ള​വ​രാ​യി​രു​ന്നില്ല, ശിഖര​ത്തിൽ വിചി​ത്ര​മായ ആകൃതി​ക​ളി​ലുള്ള കെട്ടി​ട​ങ്ങ​ളിൽ സ്ഥാപി​ക്ക​പ്പെ​ട്ടി​രുന്ന ടെലി​സ്‌കോ​പ്പു​കൾ സന്ദർശി​ക്കു​ന്ന​തിന്‌ അങ്ങോ​ട്ടുള്ള പാതയി​ലൂ​ടെ നടന്ന​പ്പോൾ ഞങ്ങൾക്കെ​ല്ലാം ശ്വാസം​മു​ട്ടി. ഞങ്ങൾ ഒരു അർദ്ധ​ഗോ​ളാ​കാ​ര​മായ കെട്ടി​ട​മാ​യി​രു​ന്നു പ്രതീ​ക്ഷി​ച്ചി​രു​ന്നത്‌, അതു​കൊണ്ട്‌ ഞങ്ങൾ ഹിൽറേ​റാ​പ്പ്‌ഗോ​ളകം കണ്ടപ്പോൾ ഞങ്ങൾ നിരാ​ശി​ത​രാ​യില്ല, എന്നാൽ സന്ദർശ​കർക്ക്‌ പ്രവേ​ശനം അനുവ​ദി​ക്കു​ന്നില്ല എന്ന്‌ ഞങ്ങൾ കണ്ടെത്തി. അപ്പോൾ ഞങ്ങൾ ഒരു വിചി​ത്ര​മായ കെട്ടിടം കണ്ടു.

അത്‌ ഇടുങ്ങിയ അടിസ്ഥാ​ന​ത്തോ​ടെ തറയിൽനിന്ന്‌ ഉയർന്നു​നിന്ന ത്രി​കോ​ണാ​കൃ​തി​യി​ലുള്ള ഒരു ഉയര​മേ​റിയ കെട്ടി​ട​മാ​യി​രു​ന്നു, അത്‌ സന്ദർശ​കർക്കാ​യി തുറക്ക​പ്പെ​ട്ടി​രു​ന്നു. (അടുത്ത പേജിലെ ഫോട്ടോ കാണുക.) ഞങ്ങൾ പെട്ടെന്ന്‌ ഞങ്ങളുടെ മീതെ​യുള്ള ഗോപു​ര​ത്തി​ന്റെ അഗ്രഭാ​ഗത്ത്‌ ഒരു ബെയറിം​ഗിൽ തൂങ്ങി​ക്കി​ടന്ന ഒരു നീണ്ട ടെലി​സ്‌കോപ്പ്‌ സ്ഥാപി​ച്ചി​രി​ക്കുന്ന ഒരു പരീക്ഷ​ണ​ശാ​ല​യിൽ വന്നെത്തി. പ്ലാററ്‌ഫോ​റ​ത്തിൽ കയറി ആ ഉപകര​ണ​ത്തി​ന്റെ സമനില തെററി​ക്ക​രുത്‌ എന്ന്‌ അടയാ​ളങ്ങൾ ഞങ്ങൾക്കു മുന്നറി​യി​പ്പു​നൽകി.

സൂര്യനെ “നിശ്ചല​മാ​യി നിർത്തു​ന്നു”

ഒരു ചെറിയ സ്വീക​ര​ണ​മു​റി​യിൽ വെച്ചി​രി​ക്കുന്ന വർണ്ണചി​ത്രങ്ങൾ എന്താണ്‌ പഠിക്ക​പ്പെ​ടു​ന്നത്‌ എന്ന്‌ വിശദീ​ക​രി​ച്ചു, ഈ കെട്ടി​ട​സം​ഘാ​തം സൂര്യ​നെ​ക്കു​റിച്ച്‌ പഠിക്കു​ന്ന​തി​നു​വേണ്ടി അർപ്പി​ക്ക​പ്പെ​ട്ടി​രു​ന്ന​താ​യി കാണു​ന്നത്‌ താൽപ്പ​ര്യ​ജ​ന​ക​മാ​യി​രു​ന്നു. സൂര്യ​നിൽനിന്ന്‌ ഊർജ്ജം ലഭിക്കു​ന്ന​തെ​ങ്ങ​നെ​യെന്ന്‌ പഠിക്കു​ന്ന​തി​നുള്ള ഒരു പദ്ധതി​യാ​ണോ ഇത്‌ എന്ന്‌ അവിടെ ജോലി​ചെ​യ്‌തു​കൊ​ണ്ടി​രുന്ന ശാസ്‌ത്ര​ജ്ഞൻമാ​രിൽ ഒരാ​ളോട്‌ ഞങ്ങൾ ചോദി​ച്ചു. ഇത്‌ ആ തരത്തി​ലുള്ള പഠനമല്ല എന്നും സൂര്യ​നെ​ക്കു​റി​ച്ചും അത്‌ ഭൂമി​യു​ടെ അന്തരീ​ക്ഷ​ത്തിൻമേ​ലും സൗരയൂഥ ശൂന്യാ​കാ​ശ​ത്തിൻമേ​ലും ഉളവാ​ക്കുന്ന ഫലത്തേ​ക്കു​റി​ച്ചു​മുള്ള വിവരങ്ങൾ ശേഖരി​ക്കു​ന്ന​തി​നുള്ള ഒരു അടിസ്ഥാന ഗവേഷണ പദ്ധതി​യാ​ണെന്ന്‌ അയാൾ വിശദീ​ക​രി​ച്ചു. കൂടാതെ ശാസ്‌ത്ര​ജ്ഞൻമാർ സൂര്യന്റെ ഉപരി​തലം നിരന്തരം നിരീ​ക്ഷി​ച്ചു​കൊണ്ട്‌ അതിന്റെ ഉൾഭാ​ഗ​ത്തെ​ക്കു​റിച്ച്‌ പഠിച്ചു​കൊ​ണ്ടി​രി​ക്കു​ന്നു.

ഇവിടത്തെ പർവ്വത​ത്തി​ലെ വരണ്ട വായു​വും മലിനീ​ക​ര​ണ​ത്തി​ന്റെ അഭാവ​വും ഇവിടം ഒരു നല്ല സ്ഥാനമാ​ക്കി​ത്തീർക്കു​ന്ന​തു​നി​മി​ത്ത​മാണ്‌ നിരീ​ക്ഷ​ണ​ശാല ഇവിടെ സ്ഥാപി​ച്ചത്‌ എന്ന്‌ ഞങ്ങളുടെ ഗൈഡ്‌ വിശദീ​ക​രി​ച്ചു. 1951-ൽ ഇത്‌ സ്ഥാപി​ച്ച​പ്പോൾ ഐക്യ​നാ​ടു​ക​ളിൽ സൂര്യ​നെ​ക്കു​റി​ച്ചു പഠിക്കു​ന്ന​തി​നു​വേണ്ടി നിർമ്മി​ക്ക​പ്പെട്ട ഈ തരത്തി​ലുള്ള ആദ്യത്ത​വ​യിൽ ഒന്നായി​രു​ന്നു ഇത്‌. അരികി​ലു​ണ്ടാ​യി​രുന്ന ഒരു ചിത്രം, ഈ വലിയ ഗോപു​രം തറയിൽ നിന്ന്‌ 136 അടി ഉയർന്നു​നിൽക്കു​ന്നു​വെ​ന്നും എന്നാൽ ദൂരദർശി​നി​യു​ടെ മറെറാ​രു 193 അടി തറനി​ര​പ്പി​നു താഴെ​യാ​ണെ​ന്നും ഞങ്ങൾക്ക്‌ കാണി​ച്ചു​തന്നു. അങ്ങനെ ദൂരദർശി​നിക്ക്‌ മൊത്തം 329 അടി ഉയരമുണ്ട്‌, ഒരു ഫുട്‌ബോൾ ഗ്രൗണ്ടി​ന്റെ നീളം! ടെലി​സ്‌കോ​പ്പ്‌ട്യൂ​ബി​നു​ള്ളിൽ മിക്കവാ​റും മുഴു​വ​നായ ഒരു ശൂന്യ​സ്ഥലം ഉള്ളതി​നാൽ സൂര്യ​പ്ര​കാ​ശം അതിനു​ള്ളിൽ പ്രവേ​ശി​ക്കു​മ്പോൾ അത്‌ ചൂടു​പി​ടിച്ച വായു​വി​നാൽ വികല​മാ​ക്ക​പ്പെ​ടു​ന്നില്ല. ഇത്‌ ഗവേഷ​കർക്ക്‌ സൂര്യന്റെ ഉപരി​ത​ല​ത്തി​ന്റെ മുന്തിയ വീക്ഷണങ്ങൾ പ്രദാനം ചെയ്യത്ത​ക്ക​വണ്ണം അസാധാ​രണ വ്യക്തത​യുള്ള പ്രതി​ബിം​ബിത പ്രതി​ച്ഛാ​യകൾ ഉണ്ടാകാൻ ഇടയാ​ക്കു​ന്നു.

മുഴു ദൂരദർശി​നി​യും (250 ടണ്ണിൽ അധികം തൂക്കമു​ള്ളത്‌) ഭൂമി​യു​ടെ കറക്കത്തി​ന​നു​സ​ര​ണ​മാ​യി കറങ്ങു​ന്ന​തി​ന​നു​വ​ദി​ക്ക​ത്ത​ക്ക​വണ്ണം മെർക്കു​റി​യിൽ പൊങ്ങി​ക്കി​ട​ക്കുന്ന ഒരു ബെയറിം​ഗിൽനിന്ന്‌ തൂങ്ങി​ക്കി​ട​ക്കു​ന്നു. അപ്രകാ​രം ദൂരദർശി​നി​യോ​ടുള്ള ബന്ധത്തിൽ സൂര്യൻ ഫലത്തിൽ “നിശ്ചല​മാ​യി നിൽക്ക”ത്തക്കവണ്ണം ദൂരദർശി​നി​യെ സൂര്യന്റെ നേർക്ക്‌ ദീർഘ​സ​മ​യ​ത്തേക്ക്‌ തിരി​ച്ചു​വെ​ക്കാൻ കഴിയും. അത്‌ സൂര്യന്റെ ഉപരി​ത​ല​ത്തി​ലെ വളരെ ചെറിയ സവി​ശേ​ഷ​ത​ക​ളും, പ്രകാ​ശ​മ​ണ്ഡ​ല​വും, സൂര്യന്റെ താഴ്‌ന്ന അന്തരീ​ക്ഷ​ത്തിൽ വർണ്ണമ​ണ്ഡ​ല​വും നിരീ​ക്ഷി​ക്കു​ന്ന​തി​നും ഫോട്ടോ എടുക്കു​ന്ന​തി​നും​വേണ്ടി രൂപകൽപ്പ​ന​ചെ​യ്‌തി​രി​ക്കു​ന്നു.

ധാന്യ​പ​ത്തായ കുംഭ​ഗോ​പു​രം

ഞങ്ങൾ ഞങ്ങളുടെ കാറി​ലേക്ക്‌ മടങ്ങി​പ്പോ​യ​പ്പോൾ കൃഷി​ക്ക​ള​ത്തി​ലെ ഒരു വൃത്താ​കാര പത്തായം​പോ​ലെ ഞങ്ങൾക്കു തോന്നിച്ച ഒരു അസാധാ​രണ മന്ദിരത്തെ ഞങ്ങൾ കടന്നു​പോ​യി. അത്‌ കൃത്യ​മാ​യി അതുത​ന്നെ​യാ​യി​രു​ന്നു! അത്‌ ധാന്യ​പ​ത്തായ കുംഭ​ഗോ​പു​രം എന്നു വിളി​ക്ക​പ്പെ​ടു​ന്നു, അത്‌ നിരീ​ക്ഷ​ണ​ശാ​ല​യു​ടെ പ്രാരം​ഭ​കാ​ലത്ത്‌ സിയേ​ഴ്‌സ്‌ റോബക്ക്‌ ആൻഡ്‌ കമ്പനി​യിൽ നിന്ന്‌ വിലക്കു​വാ​ങ്ങി​യ​താ​യി​രു​ന്നു; അത്‌ സൺസ്‌പോ​ട്ടിൽ ആദ്യത്തെ ടെലി​സ്‌കോപ്പ്‌ സ്ഥാപി​ക്കു​ന്ന​തി​നു​വേണ്ടി പുതു​ക്കി​പ്പ​ണി​യ​പ്പെട്ടു. ആ സമയത്ത്‌ ശൂന്യാ​കാശ യാത്ര ആസൂ​ത്രണം ചെയ്‌തു​വ​രി​ക​യാ​യി​രു​ന്നു, സൂര്യൻ ഭൂമി​യു​ടെ അന്തരീ​ക്ഷത്തെ, പ്രത്യേ​കിച്ച്‌, സൂര്യന്റെ അസാധാ​രണ പ്രവർത്ത​ന​ത്തി​ന്റെ ഫലമായി പ്രക്ഷു​ബ്ധ​ത​യു​ള​വാ​ക്കു​ന്ന​തിൽ, എങ്ങനെ ബാധി​ക്കു​ന്നു എന്നതി​നെ​ക്കു​റി​ച്ചുള്ള വിവരങ്ങൾ ആവശ്യ​വു​മാ​യി​രു​ന്നു.

പിന്നീട്‌, 1957-ൽ അരി​സോ​ണാ​യി​ലെ ടക്‌സ​ണി​ലെ കിററ്‌ പീക്ക്‌ നാഷനൽ ഒബ്‌സർവേ​റ​ററി, ചിലി​യി​ലെ ലാ സെറീ​നാ​യി​ലെ ദി സെർവ്‌ റെറാ​ളോ​ലൊ ഇൻറർ അമേരി​ക്കൻ ഒബ്‌സർവേ​റ​ററി, മേരി​ലാൻഡി​ലെ ബാൾട്ടി​മൂ​റി​ലി​ലെ ദി സ്‌പെ​യ്‌സ്‌ ടെലി​സ്‌കോപ്പ്‌ സൈൻസ്‌ ഇൻസ്‌റ​റി​റ​റ്യൂട്ട്‌ എന്നിവ​യോ​ടുള്ള ബന്ധത്തിൽ ആദായ​വി​ഹി​ത​മി​ല്ലാത്ത ഒരു സ്ഥാപനം, AURA (അസോസിയേഷൻ ഓഫ്‌ യൂണി​വേ​ഴ്‌സി​ററി ഫോർ റിസേർച്ച്‌ ഇൻ അസ്‌​റ്രേ​റാ​ണമി, ഇൻക്‌.) രൂപീ​ക​രി​ക്ക​പ്പെട്ടു. ശാസ്‌ത്ര​ജ്ഞൻമാ​രെ​യും വിവര​ങ്ങ​ളും കൈമാ​റു​ന്ന​തി​നാൽ എല്ലാവർക്കും സൂര്യ​നെ​ക്കു​റിച്ച്‌ കൂടുതൽ ഗ്രാഹ്യം ലഭിക്കാൻ കഴിയു​മെന്ന്‌ AURA വിചാ​രി​ച്ചു. ഈ ഒററപ്പെട്ട നിരീ​ക്ഷ​ണ​ശാ​ലക്ക്‌ ഭൂമി​യി​ലെ വിവി​ധ​ഭാ​ഗ​ങ്ങ​ളു​മാ​യി ബന്ധമു​ണ്ടെന്ന്‌ ഞങ്ങൾ കാണാൻ തുടങ്ങി.

വിറക്കുന്ന സൂര്യൻ

ഒരു ഗവേഷണ ഡയറക്‌ട​റായ ഡോ. ബർനാഡ്‌ ഡർനേ ഔദാ​ര്യ​പൂർവം സൂര്യ​നെ​ക്കു​റി​ച്ചുള്ള ചില ചോദ്യ​ങ്ങൾക്ക്‌ ഉത്തരം നൽകാ​മെന്ന്‌ സമ്മതിച്ചു. അയാൾ സൗര്യ​ച​ല​ന​വി​ജ്ഞാന ശാഖയിൽ ജോലി​ചെ​യ്യു​ക​യാ​ണെന്ന്‌ അയാൾ വിശദീ​ക​രി​ച്ചു. അതിന്റെ അർത്ഥ​മെ​ന്തെന്ന്‌ ഞങ്ങൾക്ക്‌ ഒരു വിശദീ​ക​രണം ആവശ്യ​മാ​യി​രു​ന്നു. അത്‌ സാക്ര​മെ​ന്റോ പീക്കിൽ ആണ്‌ ആദ്യമാ​യി പഠിക്ക​പ്പെ​ട്ടത്‌ എന്ന്‌ തോന്നു​ന്നു. അയാൾ ഇപ്രകാ​രം വിശദീ​ക​രി​ച്ചു: “സൂര്യൻ അതിന്റെ അച്ചുത​ണ്ടിൽ കറങ്ങു​ന്നു​വെന്നു മാത്രമല്ല, സൂര്യന്റെ ഉപരി​ത​ലത്തെ നിരന്തരം വീക്ഷി​ക്കു​ന്ന​തി​നാ​ലും സംഭവി​ക്കുന്ന മാററങ്ങൾ കാണു​ന്ന​തി​നാ​ലും പഠിക്കാൻക​ഴി​യുന്ന മററ​നേകം വിധങ്ങ​ളി​ലും ചരിക്കു​ന്നു. ഈ മാററ​ങ്ങ​ളിൽനിന്ന്‌, സൂര്യന്റെ ഉൾഭാ​ഗത്ത്‌ സംഭവി​ച്ചു​കൊ​ണ്ടി​രു​ന്നേ​ക്കാ​വു​ന്നതു സംബന്ധിച്ച്‌ ആശയങ്ങൾ രൂപീ​ക​രി​ക്കു​ന്ന​തി​നും പിന്നീട്‌ നമ്മുടെ ആശയങ്ങളെ സ്ഥിരീ​ക​രി​ക്കു​ക​യോ ഖണ്ഡിക്കു​ക​യോ ചെയ്യുന്ന പഠനങ്ങൾ ആസൂ​ത്രണം ചെയ്യാ​നും കഴിയും.

അയാൾ ഇങ്ങനെ തുടർന്നു, “ഉദ്ദേശം 1970-ൽ സൂര്യന്റെ ഒരു കുലുക്കം അല്ലെങ്കിൽ കമ്പനം മുൻകൂ​ട്ടി​പ്പ​റ​യ​പ്പെട്ടു. അത്‌ അധിക​മാ​യും ഒരു വലിയ മണി അടിക്കു​മ്പോ​ഴു​ണ്ടാ​കുന്ന കുലുക്കം അല്ലെങ്കിൽ കമ്പനം പോ​ലെ​യാണ്‌. ഒരു കുളത്തി​ലേക്ക്‌ ഒരു കല്ല്‌ എറിയു​മ്പോൾ ഓളങ്ങൾ കല്ലുവീണ ഭാഗത്തു​നിന്ന്‌ കുളത്തി​നു​കു​റു​കെ കടക്കു​മ്പോൾ അത്‌ കുളത്തി​ന്റെ ഉപരി​ത​ലത്തെ മുഴു​വ​നും ബാധി​ക്കു​ന്ന​തെ​ങ്ങ​നെ​യെ​ന്നുള്ള ദൃഷ്‌ടാ​ന്ത​വും ഒരുവന്‌ ചിന്തി​ക്കാൻ കഴിയും. സൂര്യ​നി​ലെ തിരകൾ സൂര്യ​നി​ലു​ട​നീ​ളം എല്ലാ ദിശക​ളി​ലും പോകു​ന്നു എന്നതാണ്‌ വ്യത്യാ​സം.”

ഈ കമ്പനങ്ങൾ വ്യത്യസ്‌ത തലങ്ങളിൽ ഉത്‌ഭ​വി​ച്ച​താ​യി കാണ​പ്പെട്ടു, ചിലത്‌ ഉപരി​ത​ല​ത്തി​ന​ടി​യിൽനി​ന്നും മററുള്ളവ സൂര്യന്റെ ഉള്ളിൽ കൂടുതൽ ആഴത്തിൽനി​ന്നും. സൂര്യൻ ശ്വാ​സോ​ച്‌ഛ്വാ​സം ചെയ്യു​ന്ന​തു​പോ​ലെ അത്‌ മണിക്കൂ​റിൽ ഏതാണ്ട്‌ ഒരു പ്രാവ​ശ്യം അൽപ്പം വികസി​ക്കു​ക​യും വീണ്ടും ചുരു​ങ്ങു​ക​യും ചെയ്യു​ന്നു​വെന്ന്‌ ഈ പഠനങ്ങൾ മുഖേന അറിയ​പ്പെ​ടു​ന്നു. ഒരു ഗവേഷകൻ സൂര്യന്റെ ഈ ചലനങ്ങൾ ആദ്യമാ​യി 1975-ൽ കണ്ടു. 1976-ൽ റഷ്യൻ ശാസ്‌ത്ര​ജ്ഞൻമാ​രും സൂര്യോ​പ​രി​ത​ല​ത്തി​ന്റെ ഉയർച്ച​യും താഴ്‌ച​യും റിപ്പോർട്ടു​ചെ​യ്‌തു.a ഭാഗി​ക​മാ​യി സാക്ര​മെ​ന്റോ പീക്ക്‌ ഓബ്‌സർവേ​റ​റ​റി​യിൽ 1979-80നു ശേഷമേ ഈ കമ്പനം സ്ഥിരീ​ക​രി​ക്ക​പ്പെ​ട്ടു​ള്ളു.

“യഥാർത്ഥ​ത്തിൽ,” ഡോ. ഡർനേ തുടർന്നു, “സൂര്യന്‌ അനേകം അസാധാ​രണ ചലനങ്ങൾ ഉണ്ട്‌. സൂര്യ​നി​ലെ സകലവും വാതക​രൂ​പ​ത്തി​ലാ​ക​യാൽ അതിന്റെ ഉപരി​ത​ല​ത്തി​ന്റെ ഭാഗങ്ങൾക്ക്‌ മററു​ള്ള​വ​യേ​ക്കാൾ വേഗത്തിൽ കറങ്ങാൻ കഴിയും. . . . ഞങ്ങൾ ഇവിടെ സൺസ്‌പോട്ട്‌ ഒബ്‌സർവേ​റ​റ​റി​യിൽ ചെയ്യു​ന്ന​തു​പോ​ലെ സൂര്യനെ നിരന്തരം വീക്ഷി​ക്കു​ന്ന​തി​നാൽ നമുക്ക്‌ സൂര്യന്റെ ഉൾഭാഗം കറങ്ങു​ന്ന​തെ​ങ്ങ​നെ​യെന്ന്‌ തീരു​മാ​നി​ക്കാൻ കഴിയും. . . . സൂര്യൻ അതിന്റെ മദ്ധ്യ​രേ​ഖ​യിൽ കൂടുതൽ വേഗത​യിൽ കറങ്ങു​ന്ന​തി​നാൽ, ഉപരി​ത​ല​ത്തിൽ വളരെ​യ​ധി​കം മിശ്രണം നടക്കുന്നു, ഇത്‌ അനേകം അസാധാ​രണ ദൃശ്യ​ങ്ങൾക്കി​ട​യാ​ക്കു​ന്നു. ഈ അസാധാ​രണ ചലനം സൂര്യന്റെ ഉൾഭാ​ഗത്ത്‌ അഗാധ​ത്തിൽ കാന്തി​ക​മ​ണ്ഡ​ലങ്ങൾ സൃഷ്ടി​ക്കു​ന്നു. അവ ഉപരി​ത​ല​ത്തിൽ പൊങ്ങി​ക്കി​ട​ക്കു​ന്നു. സൂര്യ​നി​ലെ സൂര്യ​ക​ള​ങ്കങ്ങൾ ഈ കാന്തി​ക​മ​ണ്ഡ​ല​ങ്ങ​ളു​ടെ ഒരു പ്രത്യ​ക്ഷ​ത​യാണ്‌.”

പകലും രാത്രി​യും സൂര്യനെ നിരീ​ക്ഷി​ക്കൽ!

ഡോ. ഡർനേ ഇപ്രകാ​രം വിശദീ​ക​രി​ച്ചു: “നമുക്ക്‌ സൂര്യന്റെ ഉപരി​ത​ല​ത്തിൽ നടക്കുന്ന എല്ലാ പ്രവർത്ത​ന​ങ്ങ​ളും എല്ലാ വ്യതി​യാ​ന​ങ്ങ​ളും കാണാൻ കഴി​യേ​ണ്ട​തിന്‌ നാം യഥാർത്ഥ​ത്തിൽ സൂര്യനെ തുടർച്ച​യാ​യി നിരീ​ക്ഷി​ക്കേ​ണ്ട​യാ​വ​ശ്യ​മുണ്ട്‌. ഭൂമി ഓരോ ദിവസ​വും കറങ്ങു​ന്ന​തു​കൊണ്ട്‌ ഭൂമി​യു​ടെ ഉപരി​ത​ല​ത്തി​ലെ ഒരു സ്ഥലത്തു​നിന്ന്‌ ഇതു ചെയ്യാൻ സാധ്യമല്ല. അതിന്റെ അർത്ഥം ഭൂമി​യു​ടെ ചുററി​ലും സൗരനി​രീ​ക്ഷ​ണ​ശാ​ലകൾ ആവശ്യ​മു​ണ്ടെ​ന്നാണ്‌.”

തൽക്കാലം ഇതു സാധ്യമല്ല, എന്നാൽ, 1980-81-ൽ സാക്ര​മെ​ന്റോ പീക്കിൽനിന്ന്‌ ചില ശാസ്‌ത്ര​ജ്ഞൻമാർ മൂന്ന്‌ മൂന്നു​മാ​സ​ക്കാ​ല​യ​ള​വു​ക​ളിൽ സൂര്യനെ വീക്ഷി​ക്കു​ന്ന​തി​നു​വേണ്ടി അൻറാർട്ടി​ക്ക​യി​ലേക്ക്‌ പോയി. അൻറാർട്ടി​ക്ക​യിൽ സൂര്യൻ മൂന്നു​മാ​സ​ക്കാ​ല​ത്തേക്ക്‌ അസ്‌ത​മി​ക്കാ​ത്ത​തി​നാൽ ഒരു ദൂരദർശി​നി​കൊണ്ട്‌ പകലും രാത്രി​യും അതിനെ തുടർച്ച​യാ​യി നിരീ​ക്ഷി​ക്കാൻ കഴിയും. വിവര​ങ്ങ​ളു​ടെ ഈ ശേഖര​ണ​ത്തിൽ ഭൂമി​യി​ലെ അനേക സ്ഥലങ്ങൾ ഉൾപ്പെ​ട്ടി​രു​ന്ന​താ​യി മനസ്സി​ലാ​ക്കി​യത്‌ രസാവ​ഹ​മാ​യി​രു​ന്നു. ഒരുനാൾ സൂര്യന്റെ എല്ലാ കമ്പനങ്ങ​ളും ഇനംതി​രി​ക്കാ​നും അവയെ വ്യാഖ്യാ​നി​ക്കാ​നും അങ്ങനെ സൂര്യന്റെ ഉൾഭാ​ഗത്ത്‌ സംഭവി​ച്ചു​കൊ​ണ്ടി​രി​ക്കു​ന്ന​തെ​ന്തെന്ന്‌ മനസ്സി​ലാ​ക്കാ​നും കഴിയു​മെന്ന്‌ ശാസ്‌ത്ര​ജ്ഞൻമാർ പ്രത്യാ​ശി​ക്കു​ന്നു. ഇതു ചെയ്യു​ന്ന​തിന്‌ ഇപ്പോൾ ഭൂവ്യാ​പ​ക​മാ​യി നിരീ​ക്ഷ​ണ​ശാ​ല​ക​ളു​ടെ ഒരു ശൃംഖല രൂപീ​ക​രി​ക്കാ​നാ​കു​മെന്ന്‌ ഗവേഷ​കർക്ക്‌ പ്രതീ​ക്ഷ​യുണ്ട്‌.

സൗര​പ്ര​ജ്വാ​ല​ക​ളും പ്രഭാ​വ​ല​യ​വും

“സാക്ര​മെൻറ്‌ പീക്കിൽ മറെറ​ന്തു​കൂ​ടി പഠിക്കു​ന്നുണ്ട്‌?” എന്നതാ​യി​രു​ന്നു ഡോ. ഡർനേ​യോ​ടുള്ള ഞങ്ങളുടെ അടുത്ത ചോദ്യം. സൗര​പ്ര​ജ്വാ​ല​ക​ളെ​ക്കു​റിച്ച്‌ അയാൾ ഞങ്ങളോ​ടു പറഞ്ഞു. “ഈ ഭയങ്കര ജ്വാലകൾ സൂര്യന്റെ ഉപരി​ത​ല​ത്തിൽനിന്ന്‌ ശൂന്യാ​കാ​ശ​ത്തിൽ ദശലക്ഷ​ക്ക​ണ​ക്കി​നു മൈലു​കൾ അകലേക്ക്‌ ബഹിർഗ​മി​ക്കു​ക​യും ഭൂമി​യിൽ എത്തു​മ്പോൾ റേഡി​യോ വാർത്താ​വി​നി​മ​യത്തെ താറു​മാ​റാ​ക്കുന്ന കണിക​കളെ പുറ​ത്തേക്കു വിടു​ക​യും ചെയ്യുന്നു. സൂര്യ​നിൽനിന്ന്‌ സൗരവാ​തം എന്നു വിളി​ക്ക​പ്പെ​ടുന്ന കണിക​ക​ളു​ടെ തുടർച്ച​യായ ഒഴുക്കു​മുണ്ട്‌. ഇത്‌ സൂര്യന്റെ ഉപരി​ത​ല​ഭ്ര​മ​ണത്തെ മന്ദീഭ​വി​പ്പി​ക്കു​ന്നു, അത്‌ ക്രമത്തിൽ സൂര്യന്റെ ഉൾഭാ​ഗത്ത്‌ അഗാധ​ത്തി​ലുള്ള ഭ്രമണ​ത്തിൻമേൽ പ്രവർത്തി​ക്കു​ക​യും ചെയ്യുന്നു. സൂര്യൻ വാർദ്ധ​ക്യം പ്രാപി​ക്കു​മ്പോൾ അതിന്റെ ഭ്രമണം കൂടുതൽ കൂടുതൽ സാവകാ​ശ​മാ​യി​ത്തീ​രു​ന്നു​വെ​ന്ന​താണ്‌ ഫലം. സൂര്യോ​പ​രി​ത​ല​ത്തി​ലെ പൊട്ടി​ത്തെ​റി​ക്ക​ലി​നോട്‌ സൗരാ​ന്തർഭാ​ഗം എങ്ങനെ പ്രതി​ക​രി​ക്കു​ന്നു​വെ​ന്ന​താണ്‌ ഇവിടെ ഞങ്ങൾ പഠിക്കുന്ന കാര്യ​ങ്ങ​ളി​ലൊന്ന്‌.”

നിരീ​ക്ഷ​ണ​ശാ​ല​യിൽ നിർവ​ഹി​ക്ക​പ്പെ​ടുന്ന മറെറാ​രു പഠനത്തിൽ ദൈനം​ദി​നം സൗര​പ്ര​ഭാ​വ​ല​യ​ത്തി​ന്റെ ചിത്രങ്ങൾ എടുക്കു​ന്ന​തും ഉൾപ്പെ​ടു​ന്നു. ഈ ചിത്രങ്ങൾ സൂര്യനു ചുററു​മുള്ള ഊഷ്‌മാവ്‌ ദൈനം​ദി​നം വ്യത്യാ​സ​പ്പെ​ടു​ന്നത്‌ എങ്ങനെ​യെന്ന്‌ വെളി​പ്പെ​ടു​ത്തു​ന്നു. സൂര്യ​നിൽനിന്ന്‌ ഉയർന്ന ഊഷ്‌മാവ്‌ വ്യാപി​ക്കുന്ന ദൂരങ്ങളെ കാണി​ക്കുന്ന ചിത്രങ്ങൾ തയ്യാറാ​ക്ക​പ്പെ​ടു​ന്നു. ഈ ചിത്രങ്ങൾ ദൈനം​ദി​നം മാറു​ക​യും ശൂന്യാ​കാശ സഞ്ചാരി​കൾക്ക്‌ പ്രയോ​ജ​ന​പ്ര​ദ​മായ വിവരങ്ങൾ പ്രദാനം ചെയ്യു​ക​യും ചെയ്യുന്നു.

സൂര്യന്റെ ജീവൽപ്ര​ധാ​ന​മായ ധർമ്മം

ഭൂമി​യിൽ ജീവൻ തുടരു​ന്ന​തിന്‌ സൂര്യ​നിൽനി​ന്നുള്ള ഊർജ്ജം ആവശ്യ​മാണ്‌. അതു നമ്മെ ബാധി​ക്കു​ന്നു, നമ്മുടെ കാഴ്‌ച​യെ​യും ഭൂമി​യി​ലെ സസ്യങ്ങ​ളെ​യും മൃഗങ്ങ​ളെ​യും. ഐക്യ​നാ​ടു​ക​ളു​ടെ പടിഞ്ഞാ​റു​ഭാ​ഗത്ത്‌ ഉദ്ദേശം 22 വർഷത്തെ പൂർണ്ണ​സൂ​ര്യ​കളങ്ക പരിവൃ​ത്തി​യോട്‌ ഏതോ വിധത്തിൽ ബന്ധപ്പെ​ട്ടി​രി​ക്കു​ന്ന​താ​യി തോന്നുന്ന 22-വർഷ വരൾച്ചാ​പ​രി​വൃ​ത്തി​യു​ടെ തെളി​വു​ണ്ടെന്ന്‌ 1979-ൽ പ്രസി​ദ്ധീ​ക​രിച്ച ഒരു പഠനം കാണി​ക്കു​ന്നു. സൂര്യന്റെ പ്രവർത്ത​ന​ങ്ങ​ളി​ലും സാദ്ധ്യ​ത​യുള്ള അന്തരീ​ക്ഷ​ത്തി​ലെ അതിന്റെ സ്വാധീ​ന​ത്തി​ലും താൽപ്പ​ര്യ​മു​ള്ള​തി​ന്റെ ഒരു കാരണ​മി​താണ്‌.

ആയിര​ത്തി​ത്തൊ​ള്ളാ​യി​രത്തി അമ്പതു​ക​ളിൽ, സൗര അവിരതം, അതായത്‌ സൂര്യ​നിൽനിന്ന്‌ ഭൂമി​യി​ലേ​ക്കുള്ള അകലത്തിൽ ശൂന്യാ​കാ​ശ​ത്തി​ലുള്ള ഒരു വസ്‌തു​വിൽ എത്തി​ച്ചേ​രുന്ന ശക്തിയു​ടെ മൊത്തം യൂണി​റ​റു​കൾ നിശ്ചയി​ക്കു​ന്ന​തിന്‌ സഹായിച്ച ആദ്യത്ത​വ​യിൽ ഒന്നായി​രു​ന്നു സാക്ര​മെ​ന്റോ പീക്ക്‌ നിരീ​ക്ഷ​ണ​ശാല. സാധ്യ​ത​യ​നു​സ​രിച്ച്‌, സൗര അവിരതം എത്രമാ​ത്രം വ്യത്യാ​സ​പ്പെ​ട്ടേ​ക്കാ​മെ​ന്ന​താണ്‌ കൂടുതൽ പ്രധാനം.

സൂര്യന്റെ സവി​ശേ​ഷ​ത​ക​ളിൽ കൂടുതൽ പ്രാധാ​ന്യ​മുള്ള ഒന്നും ഭൂമി​യി​ലുള്ള നമ്മെ ബാധി​ക്കു​ന്ന​വ​യിൽ ഒന്നുമാണ്‌ സൂര്യ​ക​ള​ങ്കങ്ങൾ. സൂര്യ​ക​ള​ങ്കങ്ങൾ ആദ്യമാ​യി ഗലീലി​യോ​യാൽ നിരീ​ക്ഷി​ക്ക​പ്പെട്ടു. പിന്നീട്‌, ഒരു സൂര്യ​കളങ്ക പരിവൃ​ത്തി 11 വർഷകാ​ല​ഘ​ട്ട​ത്തേക്ക്‌ നിലനിൽക്കു​മെ​ന്നും ഒരു പൂർണ്ണ സൂര്യ​കളങ്ക പരിവൃ​ത്തിക്ക്‌ രണ്ട്‌ 11-വർഷ കാലഘ​ട്ടത്തെ സൂര്യ​ക​ള​ങ്ക​പ്ര​വർത്ത​ന​മു​ണ്ടെ​ന്നും തീരു​മാ​നി​ക്ക​പ്പെട്ടു. ഡോ. ഡർനേ വിശദീ​ക​രിച്ച പ്രകാരം: “സൂര്യ​ക​ള​ങ്കങ്ങൾ കാന്തമ​ണ്ഡ​ല​ങ്ങ​ളാണ്‌. അവ ഊർജ്ജത്തെ വഹിച്ചു​കൊ​ണ്ടു​പോ​കുന്ന ചലനങ്ങളെ തടസ്സ​പ്പെ​ടു​ത്തു​ന്ന​തി​നാൽ ഇരുണ്ട​താണ്‌. പ്രജ്വാ​ലകൾ, സൂര്യന്റെ ഉപരി​ത​ല​ത്തി​ലെ ഈ കാന്തമ​ണ്ഡ​ല​ങ്ങ​ളു​ടെ നാശം സംഭവി​ക്കു​ന്ന​തി​ന്റെ ഫലമായി ഉണ്ടാകു​ന്നു​വെന്ന്‌ വിചാ​രി​ക്ക​പ്പെ​ടു​ന്നു. അവ അപ്പോൾ റേഡി​യോ​ത​രം​ഗ​ങ്ങളെ താറു​മാ​റാ​ക്കി​ക്കൊ​ണ്ടും നമ്മുടെ അന്തരീ​ക്ഷ​ത്തി​ന്റെ ഭാഗങ്ങളെ വൈദ്യു​തീ​ക​രി​ച്ചു​കൊ​ണ്ടും നമ്മെ ബാധി​ക്കുന്ന വമ്പിച്ച അളവി​ലുള്ള ഊർജ്ജം പുറത്തു​വി​ടു​ന്നു. ഈ ഊർജ്ജം ചരി​ത്ര​ത്തി​ലു​ട​നീ​ളം മനുഷ്യ​വർഗ്ഗ​ത്തി​ന്റെ ഒരു അത്ഭുത​മാ​യി​രു​ന്നി​ട്ടുള്ള ഉത്തരദീ​പ്‌തി​കൾ എന്നും ദക്ഷിണ​ദീ​പ്‌തി​കൾ എന്നും അല്ലെങ്കിൽ ധ്രുവ​ദീ​പ്‌തി​കൾ എന്ന്‌ വിളി​ക്ക​പ്പെ​ടു​ന്ന​തി​നും കാരണ​മാ​യി​ത്തീ​രു​ന്നു.”

സൂര്യ​ക​ളങ്ക പ്രവർത്ത​ന​മു​ള്ള​പ്പോൾ നമ്മുടെ അന്തരീ​ക്ഷ​ത്തിൽ ഉണ്ടാ​യേ​ക്കാ​വുന്ന ഭൗമകാന്ത കൊടു​ങ്കാ​റ​റു​കളെ മുൻകൂ​ട്ടി​പ്പ​റ​യാൻ സൂര്യ​പ​ഠ​നങ്ങൾ സഹായി​ച്ചേ​ക്കാം. ഇവ ലോക വാർത്താ​വി​നി​മ​യ​ത്തെ​യും, അങ്ങനെ നല്ല റേഡി​യോ വാർത്താ​വി​നി​മ​യത്തെ ആശ്രയി​ക്കുന്ന വിമാന സഞ്ചാരം​പോ​ലുള്ള പ്രവർത്ത​ന​ങ്ങ​ളെ​യും ബാധി​ക്കു​ന്നു. ഉപഗ്ര​ഹ​പ്രേ​ഷ​ണ​ത്തി​ന്റെ ഉയർന്ന ചെലവു നിമിത്തം ഇപ്പോ​ഴും മിക്ക വാർത്താ​വി​ത​ര​ണ​വും ഭൂമി​യി​ലുള്ള റേഡി​യോ പ്രേഷി​ത്ര​ങ്ങ​ളാൽ നിർവ​ഹി​ക്ക​പ്പെ​ടു​ന്നു. സൂര്യ​ക​ള​ങ്ക​ങ്ങ​ളാൽ ബഹിർഗ​മി​ക്ക​പ്പെ​ടുന്ന ഊർജ്ജം ഭൂമിയെ വലയം ചെയ്‌തി​രി​ക്കു​ന്ന​തും റേഡി​യോ തരംഗ​ങ്ങളെ തിരികെ ഭൂമി​യി​ലേക്ക്‌ പ്രതി​ധ്വ​നി​പ്പി​ക്കു​ന്ന​തു​മായ വൈദ്യു​താ​ധാന കണിക​ക​ളു​ടെ പുറം​തോ​ടി​നെ ശിഥി​ല​മാ​ക്കു​ന്നു. ആ പുറം​തോട്‌ ഫലപ്ര​ദ​മ​ല്ലാ​ത്ത​പ്പോൾ, റേഡി​യോ സന്ദേശങ്ങൾ നഷ്ടപ്പെ​ടു​ന്നു.

സൂര്യ​പ്ര​കാ​ശ​ത്തെ​ക്കു​റിച്ച്‌ കൂടുതൽ അറി​യേ​ണ്ടി​യി​രി​ക്കു​ന്നു. നമ്മുടെ ആഹാരം ഉൽപ്പാ​ദി​പ്പി​ക്കുന്ന സസ്യങ്ങൾ നമ്മുടെ ആഹാര​പ​ദാർത്ഥ​ത്തി​ലെ പഞ്ചസാ​ര​യും മററു രാസവ​സ്‌തു​ക്ക​ളും ഉണ്ടാക്കു​ന്ന​തിന്‌ സൂര്യ​പ്ര​കാ​ശത്തെ ആശ്രയി​ക്കു​ന്നു. സൂര്യ​പ്ര​കാ​ശ​ത്താൽ ഉളവാ​ക്ക​പ്പെ​ടുന്ന ഫോ​ട്ടോ​കെ​മി​ക്കൽ പ്രതി​ക​ര​ണങ്ങൾ കറുപ്പി​ലും വെളു​പ്പി​ലും വർണ്ണത്തി​ലും ഫോ​ട്ടോ​കൾ എടുക്കാൻ നമ്മെ അനുവ​ദി​ക്കു​ന്നു. അതു​കൊണ്ട്‌, നമ്മുടെ ഏററവും അടുത്ത നക്ഷത്ര​ത്തെ​ക്കു​റിച്ച്‌ തങ്ങൾക്ക്‌ ആകു​വോ​ളം പഠിക്കു​ന്നത്‌ അനേകർക്കും ബുദ്ധി​പൂർവ​ക​മാ​ണെന്ന്‌ തോന്നു​ന്നു.

സൺസ്‌പോ​ട്ടി​ലേ​ക്കുള്ള ഞങ്ങളുടെ ഹ്രസ്വ​മായ സന്ദർശ​ന​ത്തിൽനി​ന്നും വിദഗ്‌ദ്ധ​രോ​ടു സംസാ​രി​ച്ച​തിൽനി​ന്നും സൂര്യ​നേ​ക്കു​റി​ച്ചുള്ള നമ്മുടെ ഗ്രാഹ്യം വളരെ പരിമി​ത​മാ​ണെന്ന്‌ ഞങ്ങൾ തിരി​ച്ച​റി​യാ​നി​ട​യാ​യി. നമ്മിൽ മിക്കവ​രും ഒരു തണുപ്പുള്ള ശീതകാല ദിനത്തിൽ സൂര്യനെ വിലമ​തി​ക്കു​ക​യും വേനൽക്കാല മാസങ്ങ​ളിൽ അത്രയ​ധി​കം ചൂടി​ല്ലാ​തി​രു​ന്നെ​ങ്കിൽ എന്ന്‌ ആശിക്കു​ക​യും ചെയ്യുന്നു, ആകെക്കൂ​ടി അത്രമാ​ത്രം. ഞങ്ങൾ സൂര്യന്റെ കൂടു​ത​ലായ സാങ്കേ​തി​ക​വ​ശ​ത്തെ​ക്കു​റി​ച്ചുള്ള എത്തി​നോ​ട്ടം ആസ്വദി​ച്ചു. മനുഷ്യ​വർഗ്ഗം യഥാർത്ഥ​ത്തിൽ നമ്മുടെ പ്രയോ​ജ​ന​പ്ര​ദ​മായ നക്ഷത്ര​മായ സൂര്യന്റെ അത്‌ഭു​ത​ങ്ങളെ സംബന്ധിച്ച്‌ മനസ്സി​ലാ​ക്കാൻ തുടങ്ങി​യ​തു​മാ​ത്ര​മേ​യു​ള്ളു എന്ന്‌ നിഗമനം ചെയ്യേ​ണ്ടി​യി​രി​ക്കു​ന്നു.—സംഭാ​വ​ന​ചെ​യ്യ​പ്പെ​ട്ടത. (g90 3⁄8)

[അടിക്കു​റി​പ്പു​കൾ]

[14-ാം പേജിലെ ചതുരം]

സൂര്യന്റെ താപനി​ല​ക​ളു​ടെ അർത്ഥ​മെ​ന്താണ?

ജോൺ റബ്‌ലോ​വി​സ്‌കി​യാ​ലുള്ള ലൈഫ്‌ ആൻഡ്‌ ഡത്ത്‌ ഓഫ്‌ ദി സൺ എന്ന പുസ്‌ത​ക​ത്തി​ന്റെ 59ഉം 60ഉം പേജു​ക​ളിൽ ഇപ്രകാ​രം വിശദീ​ക​രി​ക്കു​ന്നു: “നാം ഊഷ്‌മാ​വി​ന്റെ അർത്ഥങ്ങൾ സംബന്ധിച്ച്‌ ചിലതു മനസ്സി​ലാ​ക്കണം. രണ്ടു വ്യത്യസ്‌ത ഇനങ്ങൾ ഉണ്ട്‌. ഒന്ന്‌ ‘ഗതിജ ഊഷ്‌മാവ്‌’ എന്നും മറേറത്‌ ‘വികിരക ഊഷ്‌മാവ്‌’ എന്നും വിളി​ക്ക​പ്പെ​ടു​ന്നു. ഗതിജ ഊഷ്‌മാവ്‌ എന്നത്‌ ഒരു കണിക​യു​ടെ തൻമാ​ത്രിക ചലനത്തി​ന്റെ ശരാശരി അളവാണ്‌. ഈ ചലനത്തിന്‌ വേഗത കൂടു​ന്ന​ത​നു​സ​രിച്ച്‌ ഊഷ്‌മാ​വും ഉയർന്ന​താ​കും. നാം സൗരാ​ന്ത​രീ​ക്ഷ​ത്തി​ലെ ഊഷ്‌മാ​വി​നെ​ക്കു​റിച്ച്‌ സംസാ​രി​ക്കു​മ്പോൾ നാം ഈ ഗതിജ ഊഷ്‌മാ​വി​നെ​ക്കു​റിച്ച്‌ സംസാ​രി​ക്കു​ന്നു. അപ്പോൾ നാം പറയു​ന്നത്‌, പ്രഭാ​മ​ണ്ഡ​ല​ത്തിൽനിന്ന്‌ നാം മുകളി​ലേക്ക്‌ പോകു​ന്ന​തി​ന​നു​സ​രിച്ച്‌ സൗരാ​ന്ത​രീ​ക്ഷ​ത്തി​ലെ കണിക​ക​ളു​ടെ ചലനത്തി​ന്റെ ശരാശ​രി​വേ​ഗ​തകൾ വർദ്ധി​ക്കു​ന്നു എന്നാണ്‌. ഈ കണിക​കൾക്ക്‌ ദശലക്ഷ​ക്ക​ണ​ക്കിന്‌ ഡിഗ്രി ഊഷ്‌മാ​വു​ണ്ടെ​ങ്കി​ലും അതിന്‌ നിങ്ങളു​ടെ തൊലി​യെ പൊള്ളി​ക്കാൻ കഴിയു​ക​യില്ല.

“നേരെ​മ​റിച്ച്‌ വികിരക ഊഷ്‌മാവ്‌, വസ്‌തു​വി​നാൽ ബഹിർഗ​മി​പ്പി​ക്ക​പ്പെ​ടുന്ന വികി​ര​ണ​ത്തി​ന്റെ പരിമാ​ണ​ത്തി​ന്റെ​യും ഗുണത്തി​ന്റെ​യും അളവാണ്‌. നാം സൂര്യന്റെ അഗാധ​ത​ല​ത്തി​ലെ ഊഷ്‌മാ​വി​നെ സംബന്ധിച്ച്‌ പറയു​മ്പോൾ ഈ അർത്ഥത്തി​ലാണ്‌ നാം ഈ വാക്ക്‌ ഉപയോ​ഗി​ക്കു​ന്നത്‌. ഒരു ജ്വാല​യു​ടെ ഊഷ്‌മാ​വും ഒരു വികിരക ഊഷ്‌മാ​വാണ്‌.

എന്നാൽ നാം സൗരാ​ന്ത​രീ​ക്ഷ​ത്തെ​ക്കു​റി​ച്ചു പറയു​മ്പോൾ ഊഷ്‌മാ​വി​നെ​സം​ബ​ന്ധി​ച്ചുള്ള ധാരണയെ ഈ വികിരക അർത്ഥത്തിൽ ഉപയോ​ഗി​ക്കാൻ കഴിയു​ക​യില്ല. പ്രകാ​ശ​വ​ല​യ​ത്തി​ന്റെ ഊഷ്‌മാവ്‌ 10,00,000 ഡിഗ്രി [സെൽഷ്യസ്‌] വികിരണ ഊഷ്‌മാ​വാ​ണെ​ങ്കിൽ നമുക്ക്‌ പ്രകാ​ശ​മ​ണ്ഡലം കാണാൻ സാധി​ക്കാ​ത്ത​വി​ധം സൂര്യന്റെ അന്തരീക്ഷം അത്ര ഉജ്ജ്വല​മാ​യി​രി​ക്കും. യഥാർത്ഥ​ത്തിൽ സംഗതി ഇതാ​ണെ​ങ്കിൽ സൂര്യന്റെ അന്തരീക്ഷം, സൂര്യ​നിൽനിന്ന്‌ ഏററവും അകലെ സ്ഥിതി​ചെ​യ്യുന്ന ഗ്രഹമായ പ്ലൂട്ടോ തീവ്ര​മായ ചൂടി​നാൽ ആവിയാ​യി​പ്പോ​ക​ത്ത​ക്ക​വണ്ണം അത്രയ​ധി​കം വികി​രണം നടത്തും. സൗരാ​ന്ത​രീ​ക്ഷ​ത്തി​ന്റെ ഊഷ്‌മാവ്‌ ഒരു വികിരണ ഊഷ്‌മാ​വി​നു​പ​കരം ഒരു ഗതിജ ഊഷ്‌മാ​വാണ്‌ എന്നത്‌ നമ്മെസം​ബ​ന്ധിച്ച്‌ നല്ലതാണ്‌.

സൗരാ​ന്ത​രീ​ക്ഷം അശേഷം വികി​ര​ണ​വും പുറത്തു​വി​ടു​ന്നില്ല എന്ന്‌ ഇതിന്‌ അർത്ഥമില്ല. അത്‌ ഒരു വലിയ അളവിൽ വികി​രണം ബഹിർഗ​മി​പ്പി​ക്കു​ക​മാ​ത്രമല്ല പിന്നെ​യോ അത്‌ വളരെ പ്രത്യേ​ക​മായ ഒരു വിധത്തിൽ ബഹിർഗ​മി​പ്പി​ക്കു​ക​യും ചെയ്യുന്നു. പ്രഭാ​വ​ല​യ​ത്തി​ന്റെ ഏററവും ഉയർന്ന ഭാഗങ്ങൾ എക്‌സ്‌റേ​ക​ളും കുറെ ദൃശ്യ പ്രകാ​ശ​വും ബഹിർഗ​മി​പ്പി​ക്കു​മ്പോൾ താണ ഭാഗങ്ങൾ അൾട്രാ​വ​യ​ലെ​ററ്‌ പ്രകാശം ബഹിർഗ​മി​പ്പി​ക്കു​ന്നു. ഈ വികി​രണം ഭൂമിക്ക്‌ വളരെ പ്രധാ​ന​മാണ്‌, എന്തു​കൊ​ണ്ടെ​ന്നാൽ അത്‌ ഭൂമി​യു​ടെ അന്തരീ​ക്ഷ​ത്തി​ന്റെ വിവിധ പാളികൾ ഉൽപ്പാ​ദി​പ്പി​ക്കു​ന്നു.”

[15-ാം പേജിലെ ചതുരം/രേഖാ​ചി​ത്രം]

സൂര്യൻ—ഭൂമി​യു​ടെ നക്ഷത്രം

സൂര്യൻ നമ്മുടെ ഭൂമിക്ക്‌ ജീവൻ നിലനിർത്തുന്ന ചൂടും വെളി​ച്ച​വും നൽകുന്ന ഒരു വലിയ അടുപ്പാണ്‌. മുഖ്യ​മാ​യും ഹൈ​ഡ്രജൻ വാതക​മാ​യി​രി​ക്കുന്ന ഈ വിസ്‌തൃ​ത​മായ ഗോളം ഒരു ദശലക്ഷ​ത്തിൽ പരം ഭൂമി​കളെ വഹിക്കാൻതക്ക വലിപ്പ​മു​ള്ള​താണ്‌! എന്നിട്ടും ഇത്‌ നക്ഷത്ര​ങ്ങ​ളിൽ ഏററവും വലിയ​വ​യിൽ പെട്ടതല്ല. ശാസ്‌ത്ര​ജ്ഞൻമാർ കണ്ടുപി​ടി​ക്കുന്ന പ്രകാരം, ഈ ഊർജ്ജ​സ്രോ​തസ്സ്‌ ഗഹനതകൾ നിറഞ്ഞ​താണ്‌. ദൃഷ്ടാ​ന്ത​ത്തിന്‌, “ഏകദേശം 100 കി.മീ. [60മൈ.] മാത്രം ഘനമുള്ള പ്രഭാ​മ​ണ്ഡ​ല​ത്തി​നു​ള്ളി​ലെ ഒരു ഭാഗത്തു​നി​ന്നാണ്‌ ദൃശ്യ​മായ മിക്ക പ്രകാ​ശ​വും ബഹിർഗ​മി​ക്കു​ന്നത്‌.” എന്നാൽ സൂര്യന്റെ വ്യാസാർദ്ധം 432,651 മൈൽ ആണെന്ന്‌ കണക്കാ​ക്ക​പ്പെ​ടു​ന്നു.—ലെയിൻ നിക്കോൾസ​ണാ​ലുള്ള ദി സൺ.

സൂര്യന്റെ ഡിസൈൻ

കാമ്പ്‌—ഏററവും കൂടുതൽ ഊഷ്‌മാവ്‌ കാണ​പ്പെ​ടുന്ന സൂര്യന്റെ കേന്ദ്ര​ത്തി​ലെ “ജ്വലി​ക്കുന്ന” ന്യൂക്ലി​യർ മേഖല.

വികി​ര​ണ​മേഖല—ഈ മേഖല​യി​ലൂ​ടെ കാമ്പിൽ നിന്ന്‌ വികി​ര​ണം​വഴി ഊർജ്ജം ഗാമാ​ര​ശ്‌മി​ക​ളാ​യും എക്‌സ്‌ രശ്‌മി​ക​ളാ​യും മാറുന്നു.

സംവഹ​ന​മേഖല—വികി​ര​ണ​മേ​ഖ​ല​യിൽനി​ന്നുള്ള ഊർജ്ജം സംവഹനം വഴി സഞ്ചരി​ക്കുന്ന കൂടുതൽ തണുപ്പുള്ള ഒരു മേഖല.

പ്രഭാ​മ​ണ്ഡലം—പ്രാ​യോ​ഗി​ക​മാ​യി സൂര്യന്റെ മുഴു​പ്ര​കാ​ശ​വും പ്രത്യ​ക്ഷ​മായ ഈ ഉപരി​ത​ല​ത്തിൽ നിന്നാണ്‌ നിർഗ​മി​ക്കു​ന്നത്‌. ഇത്‌ ഒരളവു​വരെ സുതാ​ര്യ​മാണ്‌, “ഇത്‌ ഏതാനും ശതം കിലോ​മീ​ററർ താഴെ​വരെ നിരീ​ക്ഷി​ക്കാ​നും കഴിയും.” (ദി സൺ) ഊഷ്‌മാവ്‌ ഏകദേശം 10,000 ഡിഗ്രി ഫാരൻഹീ​റ​റാണ്‌.

വർണ്ണമ​ണ്ഡലം—സൂര്യന്റെ ഒരു സമ്പൂർണ്ണ ഗ്രഹണ​സ​മ​യ​ത്തു​മാ​ത്രമെ കാണ​പ്പെ​ടു​ക​യു​ള്ളു. ഏതാനും ആയിരം മൈൽ കനമുള്ള, എന്നാൽ പ്രഭാ​മ​ണ്ഡ​ല​ത്തെ​ക്കാൾ ചൂടു​കൂ​ടിയ, ഏകദേശം 18,000 ഡിഗ്രി ഫാരൻഹീ​റ​റുള്ള, കട്ടികു​റഞ്ഞ വാതക​പാ​ളി.

പ്രകാ​ശ​വ​ലയം—സമ്പൂർണ്ണ സൂര്യ​ഗ്ര​ഹ​ണ​മു​ള്ള​പ്പോൾ മാത്രം ദൃശ്യം, അപ്പോൾ അത്‌ തൂവൽ പോ​ലെ​യും വാൽപോ​ലെ​യും വലിയ അകലങ്ങ​ളിൽ വ്യാപി​ച്ചു​കി​ട​ക്കു​ക​യും വളരെ ഉയർന്ന ഊഷ്‌മാവ്‌ ഉള്ളതാ​യി​രി​ക്കു​ക​യും ചെയ്യുന്നു.

[രേഖാ​ചി​ത്രം] (പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

വർണ്ണമണ്ഡലം

പ്രഭാമണ്ഡലം

സംവഹന മേഖല

കാമ്പ്‌

വികിരണമേഖല

[കടപ്പാട്‌]

From a sketch by National Optical Astronomy Observatories

[13-ാം പേജിലെ രേഖാ​ചി​ത്രം/ചിത്രം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

കണ്ണാടികൾ (തറയിൽ നിന്ന്‌ 136 അടി മുകളിൽ)

തറനിരപ്പ്‌

ശൂന്യകുഴലുകൾ ഭ്രമണം ചെയ്യുന്നു (250 ടൺ)

193 അടി

തറനിരപ്പിൽനിന്ന്‌ 221 അടി താഴെ

[കടപ്പാട്‌]

From a sketch by National Optical Astronomy Observatories

[16-ാം പേജിലെ ചിത്രം]

സൗരജ്വാല

[കടപ്പാട്‌]

Holiday Films

[16-ാം പേജിലെ ചിത്രം]

സൂര്യകളങ്കങ്ങൾ

[കടപ്പാട്‌]

National Optical Astronomy Observatories